|
Ditorlik opеratsIYalar
|
| bet | 10/91 | | Sana | 09.07.2024 | | Hajmi | 1,77 Mb. | | #267097 |
Bog'liq umumiy ma\'ruzaNAZORAT SAVOLLARI
Logistik funksiyalarning tasnifi.
Logistikaning asosiy maqsadi.
Logistikaning asosi.
Moddiy oqim tasnifi.
Logistikada axborot oqimi tushunchasi.
Logistik operatsiyalar va funksiyalarning turlari.
Logistik zanjirning tasnifi.
Logistik tizim tushunchasi va uning turlari.
Logistika tamoyillari va ularni amalga oshirish yo‘nalishlari.
Qiymat zanjiri harakatlarini aytib bering/
3-MA’RUZA.
LOGISTIKA KONSEPSIYASI
REJA
Logistikaning konseptual tashkil etuvchilari.
Logistikaning maqsadlari va tizimlari.
Logistikaning marketing va ishlab chiqarishni rejalashtirish bilan funksional o‘zaro bog‘liqligi.
Logistika menejment vazifasi
Tayanch so‘z va iboralar
Konsepsiya, raqobatbardosh, tizimli yondashish, iqtisodiy kompromiss, logistik zanjir, ta’minot zanjiri, moddiy oqim, logistika tizimi, iste’molchi, logistika va ta’minot.
LOGISTIKANING KONSEPTUAL TASHKIL ETUVCHILARI
Konsepsiya – bu yondashishlarning tizimi, hodisalarni, jarayonlarni u yoki bu tarzda tushunishdir. Moddiy oqimlarni boshqarishni ratsionallashtirish yo‘li bilan xo‘jalik faoliyatini takomillashtirishga yondashuvlar tizimi logistikaning konsepsiyasini xarakterlaydi. Bu konsepsiyaning tashkil etuvchilari bo‘lib quyidagilar hisoblanadi:
- logistika masalalarini echishda tizimli yondashish tamoyilini amalga oshirish;
- iqtisodiy kompromisslar asosida qarorlar qabul qilish;
- butun logistik zanjir davomida xarajatlarni hisobga olish;
- logistikaga korxonalarning raqobatbardoshligini oshiruvchi omil sifatida yondashish;
Tizimli yondashish tamoyilini amalga oshirish. Logistikada tizimli yondashish xo‘jalik yurituvchi sub’ektlarni o‘zaro bog‘liq tizim ostilar kompleksi – ishlab chiqarish, sotish va xarid qilish bo‘linmalari sifatida ko‘rib chiqishni nazarda tutadi, ular tashqi muhitdan olinadigan va uzatiladigan ma’lumotlar asosida boshqariladi. Logistik tizimlarning faoliyati murakkab asos – natija aloqalarining ham tizimlar ichida, ham tashqi muhit bilan munosabatlarida vujudga kelishi bilan xarakterlanadi. Bunday sharoitlarda tizimlar faoliyatining umumiy maqsadlarini hisobga olmasdan, alohida qarorlar qabul qilish etarli emas yoki xato bo‘lishi mumkin.
1-misol.
Korxonaning boshqaruv bo‘limi shakarni qog‘oz paketlarga joylashtirish haqida qaror qabul qiladi. Qoplarga qadoqlangan shakarni tashishga, yuklashga va boshqa texnologik amallarni bajarishga moslashtirilgan umuman tovar harakati tizimi bu qarorga qanday munosabatda bo‘ladi?
Tizimli yondashishga binoan ishlab chiqaruvchi korxonada shakarni qadoqlash haqidagi qarorlar transport va savdo - sotiq tashkilotlarining talablarini hisobga olgan holda qabul qilinishi zarur va maqsadi moddiy oqimni optimallashtirishdan iborat bo‘lishi kerak.
Iqtisodiy kompromiss (kelishuv)lar asosida qarorlar qabul qilish – iqtisodiy kompromisslarni ishlatish hamda logistik jarayonda qatnashuvchi hamma ishlab chiqarish tashkilotlarining qiziqish doirasini namoyon qiluvchi hisobotlarda aks etadi. Iqtisodiy kompromisslar asosida qarorlar qabul qilish, tovar harakatining alohida bosqichlarini tutashuv joylarida logistikaning aralash funksiyalari talablarini hisobga olish zaruriyatini ko‘zda tutadi. Bu kelib tushishining hajmi, tezligi va unga ketadigan xarajatlardagi ko‘rsatkichlarning o‘zaro bog‘liq holda ko‘rib chiqilishi, xaridlar miqdori haqida qarorlar esa buyurtmani bajarishga ketadigan xarajatlar va zaxiralarni saqlashga ketadigan xarajatlar hisobga olingan holda qabul qilinishi zarurligini bildiradi.
Butun logistik zanjir davomida xarajatlar hisobi. Logistikaning asosiy maqsadlaridan biri – moddiy oqimning birlamchi xom ashyodan to oxirgi iste’molchigacha yetkazib berishga ketadigan xarajatlarni boshqarishdir. Lekin tovar harakati jarayonida xarajatlarni boshqarish faqatgina chuqur hisobot amalga oshirilsagina mumkin bo‘ladi. Logistik jarayonlar va ishlab chiqarish xarajatlarini hisobga olish tizimi, logistik funksiyalarni amalga oshirish jarayonida yuzaga keladigan xarajatlarni ajratishi, eng muhim xarajatlar haqida, hamda ularning o‘zaro ta’siri haqida ma’lumotlarni shakllantirishi zarur. Bu shart bajarilsa, logistik tizimning optimal shaklining asosiy mezonini ishlatish imkoniyati vujudga keladi – butun logistik zanjir davomida eng kam xarajatlar yig‘indisi hosil bo‘ladi.
Logistikaga korxonaning raqobatbardoshligini oshiruvchi omil sifatida yondashish. Logistikaning raqobatbardoshlik omili sifatida ko‘rib chiqilishi, shu sohada qabul qilinayotgan qarorlar, mahsulot sotishdan tushadigan foydaga ko‘rsatadigan ta’siri nuqtai nazaridan baholanishi zarurligini ko‘zda tutadi. Shuning uchun logistikani korxona ishining asosiy iqtisodiy va moliyaviy ko‘rsatkichlar bilan bog‘liqligini aks ettiruvchi ko‘rsatkichlarini qidirish masalasi yuzaga keladi.
|
| |
