|
E qosimov, M. Akbarov
Pdf ko'rish
|
| bet | 141/168 | | Sana | 19.12.2023 | | Hajmi | 1,14 Mb. | | #124022 |
Bog'liq Pardozbop qurilish ashyolari. Qisimov E. 2005Mochevina-formaldegid (MФ-17) va fenolrezorsina yelimlar bilan yog‘ochga qog‘oz qatlamli plastik
listlar, yog‘och tolali plitkalar va pardozlovchi fanerlar yelimlanadi.
Kazein-yelim (Б-107) bilan yog‘och qatlamli plastik listlar, yog‘och-qirindi plitkalar, pardozbop suv
o‘tkazmaydigan fanera, linkrust kabilarni beton yuzaga yoki suvoqqa yelimlab yopishtirish mumkin.
Kazein — emulsion bo‘tqa bilan yog‘och tolali va yog‘och qirindili plitkalar hamda pardozbop
faneralarni yog‘och, beton va suvoqli yuzalarga yopishtirish mumkin. Ayrim bo‘tqa va yelimlar, sovuq bitum-
rezina bo‘tqalarning tarkibi quyidagichadir (og‘irligi bo‘yicha, %):
Bitum-rezina bo‘tqasi: eski maydalangan rezina — 7, III markali rezina — 46, benzin — 30, kumaron
smola — 3, kanifol — 3, rubaks — 3, antiseptik (krezot yog‘) — 1, VII navli to‘ldirgich asbest — 7.
Kazein-sement bo‘tqasi: «OБ» markali kazein yelim — 14, suv — 43, 400 markali portlandsement — 43.
Kanifol bo‘tqa: kanifol — 17, olif-oksol — 7, denaturat spirti —11, maydalangan ohak — 65.
MФ-17 mochevina-formaldegid-yelim: mochevina-formaldegid smola — 90, yog‘och uni — 8, quruq
shavel kislotasi — 2.
БР-12 fenol-rezorsin — yelim: fenol-rezorsin smola — 88, qotirgich (benzosulfokislota) — 12.
Konstruksion yelimlar. Turli ashyolar va konstruksiyalarni yelimlash uchun eng ko‘p tarqalgan universal
epoksid yelim hisoblanadi. Buning uchun to‘ldiruvchi sifatida sement, marshalit, gips, kaolin, talk, rux oksidi,
asbest, chinni yoki yog‘och uni, aluminiy, temir, cho‘yan kukuni va boshqa kukun moddalar ishlatiladi.
To‘ldirgichlar yelimlanadigan choklarga qo‘yiladigan talabga muvofiq tanlanadi. Masalan, chinni unini va
tuyilgan qumni qo‘shish bilan chokning issiqlikka chidamliligini oshirish mumkin, u germetiklikni oshiradi,
tolali to‘ldirgichlar (asbest, shisha tola) choklarda hosil bo‘ladigan siljituvchi kuchlarga qarshilik ko‘rsatadi,
temir qirindilari esa mustahkamlikni oshiradi. Epoksid yelimlar ftoroplastlarni, polietilen va kapronni yaxshi
yopishtirmaydi.
Eng ko‘p tarqalgan yelimlar orasida poliefir smolasidan (ПН-1) tarkib topgan yelimlar keng tarqalgan.
Unga initsiator sifatida gidroperekis izopropilenbenzol (3%) va qotishni tezlatuvchi kobalt naftenatning 10% li
eritmasi (8%) qo‘shiladi. Bunday yelimlar betonlarni yopishtirish uchun ham ishlatiladi.
Fenolformaldegid — yelim ko‘proq o‘zlashtirilgan. U bilan fanera, plastmassa, temir va boshqa ashyolar
yelimlanadi. Fenolformaldegid yelimlardan ВИAM-В-В-З (zaharli), KБ-З (kam zaharli), (СП-2) suvda
eriydigan yelim yog‘ochlarni yelimlash uchun ishlatiladi, shuningdek, БФ-2, БФ-4 kabi yelimlar buyum
yopishtirishda ko‘p tarqalgandir.
Temirlarni yelimlash uchun fenolepoksid yelim eng yaxshisi hisoblanadi. Undan tashqari, korbinol
yelimga 30% xlorperon qo‘shilganda oyna va rezinani yelimlash mumkin. Karbamid, kauchukli,
kremniyorganik poliamidli, poliuretanli va polivinil atsetatli (betonni ta’mirlash uchun) yelimlar ko‘p uchrab
turadi.
Pardasimon yelimlarni ishlatish va tashish oson, ular yuqori harorat, ya’ni 150—180°C da va 1-2 MPa
solishtirma bosimda eriydi, bir-biriga yaxshi moslashtirilgan sirtlarni yelimlaydi.
Bakelit parda (yupqa qog‘ozga surkalgan fenolformaldegid yelim) bilan qayin daraxtidan ishlanadigan
suv o‘tkazmaydigan faneralar yelimlanadi.
|
| |
