|
E qosimov, M. Akbarov
Pdf ko'rish
|
| bet | 165/168 | | Sana | 19.12.2023 | | Hajmi | 1,14 Mb. | | #124022 |
Bog'liq Pardozbop qurilish ashyolari. Qisimov E. 2005SILLIQLASH ASHYOLARI
Natural pemza — yer ostidan otilib chiqqan tog‘ jinsidir. Pemza shpaklyovka qilingan va bo‘yalgan
yuzalarni quruqligicha va namlab silliqlash (pemzalash) uchun ishlatiladi. Pemzaning sifati uning bir jinsli
ekanligi bilan belgilanadi. Qattiq va yirik qum donalari pemzaga aralashgan bo‘lsa, silliqlanayotgan yuzani
tirnab yuboradi.
Sun’iy pemza — qumdan yoki maydalangan tuproqdan tayyorlanadi. Zarrachalarining mayda-yirikligiga
qarab sun’iy pemza yirik donli va mayda donli bo‘ladi.
Jilvir va oyna qumli qog‘oz — bo‘yaladigan yuzalarni tozalash va silliqlash uchun ishlatiladi. Mayda
g‘adir-budur joylarni silliqlash uchun qog‘ozni kichikroq to‘rt qirrali yog‘ochga mahkamlash kerak.
Qog‘oz har xil raqamli, ya’ni qumi eng mayda 0 raqamlidan, ancha yirik qumli 1, 2 va 3 raqamligacha
qilib chiqariladi. Buning uchun pishiq qog‘oz yoki gazlama ishlatiladi. Abrazivlar (qumlar) hayvonot yelimi
bilan yopishtiriladi. Namlab silliqlash uchun suvga chidamli yelim bilan tayyorlangan qog‘oz ishlatiladi.
Bo‘yoqchilik ishlarida qo‘shimcha ashyolar sifatida, ko‘pincha, shpaklyovkalar, zamazkalar, gruntlar,
shuningdek, yuqorida keltirilgan eritmalar, suyultirgichlar va sikkativlar ishlatiladi.
Shpaklyovkalar — alif, lak yoki yelim eritmasi bilan kukun to‘ldirgichlarni obdan ishqalab ezilgan
bo‘tqasimon ashyo. Kukun to‘ldirgich sifatida bo‘r, dala shpati, tuyilgan qipiq, pista ko‘mir va hokazolarni
ishlatish mumkin. Tekislanadigan yuzaning nuqsonlari (chuqurchalar, yoriqlar, urilganda shikastlangan joylar
va hokazo) ko‘p kamligiga qarab, shpaklyovkalar suyuq va quyuq qilib tayyorlanadi. Quyuq shpaklyovkalar
ayrim joylardagi nuqsonlarnigina tekislash uchun ishlatilsa, suyug‘i nuqsonlari ko‘p bo‘lgan yuzani yoppasiga
tekislash uchun ishlatiladi. Shpaklyovkalar mayin yuzaga puxta yopishishi, quriganda esa cho‘kmasligi kerak.
Suvli bo‘yoqlar bilan bo‘yalgan yuzalarni shpaklyovka qilishda yelimli, kuporosli va ПВA li shpaklyovkalar
ishlatiladi.
|
| |
