|
F. B. Karimova Respublika maqsadli kitob jamg‘armasi mablag‘lari hisobidan chop etildiBog'liq Alifbe o\'zbek metodikaO‘QUV-METODIK
QO‘LLANMA
14
oid boshlang‘ich amaliy bilimlarni vujudga keltirishga qaratilgan. O‘qituvchi darslik
materiallari bilan cheklanib qolmay, ushbu so‘zlar mazmunini to‘liq izohlashda turli
mazmunli rasmlardan ijodiy foydalanishi maqsadga muvofiqdir.
Xususan, Aa harf-tovushini mustahkamlash uchun taqdim etilgan “Qaysi bo‘g‘inlardan
so‘z yasash mumkin?” savoli ostida berilgan didaktik materialni (13-betda) o‘rganishda
“Olma terish” didaktik o‘yinidan ijodiy foydalanish mumkin.
“Olma terish” didaktik o‘yini
Olma shakllari ortiga didaktik topshiriqdagi bo‘g‘inlar yoziladi. Doskaga “anor, ona, nina,
norin, olma, shaftoli” rasmlari ilinadi. O‘quvchi bo‘g‘inni o‘qib, shu bo‘g‘inga mos rasmni
topib nomini aytadi.
“So‘z andazalari bilan ishlang” shartli belgisi bilan berilgan o‘quv materiallarini
o‘rganishda uning mazmuniga ijodiy yondashgan holda, “Javoblar raqamlarda”, “Sonlar
so‘zlaganda” kabi didaktik o‘yinlardan foydalanish maqsadga muvofiqdir:
“Javoblar raqamlarda”
O‘quvchilarning qo‘liga tayoqcha uchiga mustahkamlangan, 1, 2, 3 sonlari yozilgan
kartonlar beriladi. O‘qituvchi so‘zlarni birin-ketin aytadi. Agar so‘zlar bir bo‘g‘inli bo‘lsa,
o‘quvchilar 1 raqamini, ikki bo‘g‘inli bo‘lsa, 2 raqamini, uch bo‘g‘inli bo‘lsa, 3 raqamini
ko‘taradilar.
“Zanjir o‘yini”. O‘qituvchi darsda zanjir o‘yinidan foydalanishi mumkin. “Zanjir o‘yini” ga
misol:
S
T
S
sh
Javob: sport, tennis, suzish (keltirilgan o‘yindan Sh sh harf-tovushi o‘tilgach, foydalanish
mumkin).
“Javoblar ranglarda”
O‘qituvchi unli yoki undosh harf-tovushlar bilan boshlangan so‘zlarni birin-ketin aytadi,
o‘quvchilar unli tovush bilan boshlangan so‘zga qizil, undosh tovush bilan boshlangan
so‘zga havorang shaklni ko‘taradilar.
O‘quvchilarning harf-tovushlarga oid bilimlarini mustahkamlashga qaratilgan darslarda
esa quyidagi texnologiyalardan foydalanish mumkin:
@edurtm_uz
|
| |
