|
-modda. Dalillarni ular turgan joyda ko‘zdan kechirish va tekshirishBog'liq MSIYtK69-modda. Dalillarni ular turgan joyda ko‘zdan kechirish va tekshirish
Sudga olib kelish imkoniyati bo‘lmagan yoki olib kelinishi qiyin bo‘lgan dalillarni, shuningdek
tez buziladigan ashyoviy dalillarni sud ular turgan joyda ko‘zdan kechirishi va tekshirishi mumkin.
Dalillarni ular turgan joyda ko‘zdan kechirish va tekshirish to‘g‘risida ajrim chiqariladi.
Zarur hollarda, dalillarni ko‘zdan kechirish va tekshirishda ishtirok etish uchun odil sudlovni
amalga oshirishga ko‘maklashuvchi shaxslar chaqirilishi mumkin.
Tez buziladigan ashyoviy dalillar ishda ishtirok etuvchi shaxslarni xabardor qilmasdan sud
tomonidan darhol ko‘zdan kechirilishi va tekshirilishi mumkin.
Yozma va ashyoviy dalillarni ular turgan joyda bevosita ko‘zdan kechirish va tekshirish
jarayonida ushbu Kodeksning
175-moddasida
belgilangan tartibda sud tomonidan bayonnoma
tuziladi.
Dalillarni mustahkamlash uchun bayonnoma tuzish bilan birga audio-, videoyozuvga olish,
fotosuratga tushirish, ko‘chirma nusxalar, rejalar, chizmalar tayyorlash va axborotni aks ettirishning
boshqa usullari qo‘llanilishi mumkin. Dalillarni mustahkamlashning bunday usuli qo‘llanilganligi
bayonnomada aks ettiriladi, ma’lumotlarni aks ettiruvchi materiallar bayonnomaga ilova qilinadi.
70-modda. Dalillarning aloqadorligi
Sud faqat ishga aloqador bo‘lgan dalillarni qabul qiladi.
Agar taqdim etilgan dalillar ko‘rilayotgan ishga aloqador bo‘lmasa, ular ish materiallariga
qo‘shib qo‘yilmaydi, ularning dalil sifatida rad qilinganligi sud hujjatida aks ettiriladi.
71-modda. Dalillarning maqbulligi
Qonunchilikka muvofiq muayyan dalillar bilan tasdiqlanishi lozim bo‘lgan ish holatlari boshqa
dalillar bilan tasdiqlanishi mumkin emas.
72-modda. Isbotlashdan ozod qilish asoslari
Ishning ma’muriy sud tomonidan barchaga ma’lum deb topilgan holatlarini isbotlash talab
etilmaydi.
Ma’muriy sudning ilgari ko‘rilgan ish bo‘yicha qonuniy kuchga kirgan hal qiluv qarori bilan
aniqlangan holatlar sud shu shaxslar ishtirok etayotgan boshqa ishni ko‘rayotganida yangidan isbot
qilinmaydi.
Fuqarolik ishlari bo‘yicha sudning yoki iqtisodiy sudning qonuniy kuchga kirgan hal qiluv
qarori boshqa ishni ko‘rayotgan ma’muriy sud uchun fuqarolik ishlari bo‘yicha sudning yoki
iqtisodiy sudning hal qiluv qarorida aniqlangan va ishda ishtirok etuvchi shaxslarga daxldor bo‘lgan
holatlarga doir masalalar bo‘yicha majburiydir.
Jinoyat ishlari bo‘yicha sudning qonuniy kuchga kirgan hukmi muayyan harakatlar sodir
etilganligi yoki sodir etilmaganligi va ular kimlar tomonidan sodir etilganligi masalalari bo‘yicha
ma’muriy sud uchun majburiydir.
|
| |
