|
Ijtimoiy madaniy faoliyat sohasida reklama va uning jamiyatdagi o’rni
|
| bet | 30/50 | | Sana | 25.05.2024 | | Hajmi | 0,93 Mb. | | #253437 |
Bog'liq IMFda reklama ma\'ruzasi (1)His qilish. Sezish inson kognitiv faoliyatining eng muhim elementlaridan biri hisoblanadi. Umumiy psixologiya kursidan bizga ma’lumki, sezgi tufayli inson bosh miyasida bizni o‘rab turgan atrof-muhit, uning ayrim predmetlari xususiyatlari to‘g‘risida hissiyotlar tug‘yoni paydo bo‘ladi va o‘ziga xos munosabatlar uyg‘onadi.
His qilish-eng birinchi bo‘ladigan jarayon. Asosiy his qilish organlari bilan birga boshqa sezish organlari ham axborotlarni tasavvur, idrok qilishda muhim rol o‘ynaydi. Ko‘rish, eshitish, hid bilish, ta’m bilish, qo‘l bilan tegib ko‘rish, harakatlanish, his qilish, organik xususiyatlar, tebranish, muvozanatni his etish kabilar shular jumlasiga kiradi.
Hissiyot - sezgidan kelib chiqadigan eng asosiy xususiyat. Sezgining absolyut va differensial bo‘sag‘alarini anglash bunda juda muhimdir. Absolyut bo‘sag‘ada (quyi va yuqori) his qilish organlarining iqtidori aniqlanadi. His qilish organlari (analizatorlari) turli hissiy signallarni qabul qiladi va sezish tuyg‘ularini uyg‘otadi. Differensial bo‘sag‘a davrida signallarni ajratish bo‘yicha ro‘y beradigan turli omillar xilma-xilligi ro‘y beradi. Reklama faoliyatida ko‘rish, eshitish, ta’m bilish,harakatlanish, hidlab ko‘rish, sezgi va boshqa organlardan keng foydalaniladi.
Reklama axborotini qabul kilish yoki reklama mahsulotini iste’mol qilishdagi sezgilarni o‘rganish, tahlil qilish muammosi hozirgi kunda eng aktual muammolardan biri bo‘lib turibdi.Reklama qilinayotgan mahsulotni iste’mol qilish bilan odamda paydo bo‘lgan taassurotlar, sezgilar darajasi reklamani baholash qiymatini belgilab beradi. Buning uchun maxsus sub’ektiv shkaladan foydalaniladi. Ushbu sub’ektiv shkala qaysi mahsulotning iste’molchi uchun jozibador ekanligini belgilab beradi.
Agarda reklama ta’sirida hosil bo‘lgan sezgilar ilgaridan yaxshi ma’lum bo‘lgan taassurotlardan keskin ravishda farq qilsa, reklamani ishlab chiqaruvchi ushbu mahsulotni alohida ajratib ko‘rsata olish baxtiga muyassar bo‘ladi va bu bilan iste’molchining harid qilish qobiliyatiga ta’sir ko‘rsatgan bo‘ladi.
Yuqoridagi kabi xolatlarni o‘rganish va tahlil qilish reklama faoliyatidagi eng ishonarli va ta’sir qiluvchi omillardan biri bo‘lib qolishi mumkinligi shu darajaga borib yetadiki,o‘sha faoliyatning o‘zi reklama bo‘lib xizmat qilishi mumkin.
Masalan, videoklipda odamga tish yuvish vositasining ikki turini sinab ko‘rishini tavsiya qilish mumkin. Buning uchun reklama qilinayotgan mahsulotning bir qator afzalliklari ko‘p xollarda bo‘rttirilgan xolda namoyish etiladi.
Psixologlarning olib borgan izlanishlarni shuni ko‘rsatadiki, namoyish etilayotgan reklama ta’sirida kishi Fexnerning psixofiziologik qonuniga bo‘ysinib qolar ekan. Bu qonun xulosasiga ko‘ra qiziqtiruvchi omil miqdori qanchalik ko‘p bo‘lsa, kishi o‘z sezgisida shuncha kam miqdordagi o‘zgarishni sezadi, aksincha, bu stimulning (qiziqtiruvchi omilning) kam miqdorida sezgidagi o‘zgarish ko‘payadi. Ushbu qonun talabiga ko‘ra reklama axborotini qabul qilishda intensiv ta’sir xam katta ahamiyat kasb etmas ekan. Jumladan, qattiq ovoz,kuchli ranglar jilosi, matnning ko‘p so‘zligi va b.q. xolatlar shular jumlasiga kiradi. Aksincha, intensiv ta’sirlardan ko‘ra, oddiy murojaat katta ta’sir kuchiga ega bo‘lishi mumkin.
|
| |
