122
o’zgarishlari to’g`risidagi axborotlarning o’z vaqtida yig`ilmasligi hamda ularning
to’liq emasligi kasb-hunarga yo’naltirish ishlarining samarasini pasaytirmoqda.
Mulkchilik shakli turlicha bo’lgan ko’pgina korxonalar, o’quv yurtlari va bandlik
xizmatlari kasb–hunarga yo’naltirish ishlari bo’yicha hamkorlikka etarlicha e`tibor
bermayotirlar. Balog`at yoshidagi ish bilan band va band bo’lmagan aholi
qatlamlarini kasb-hunarga yo’naltirish ishlarining asosiy yo’nalishlari mehnat va
aholini ijtimoiy muhofaza qilish vazirligi tomonidan qo’llab-quvvatlanmog`i lozim
bo’lgani holda hozirgi kunda aholining bu qatlamini kasb-hunarga yo’naltirish
ishlari tashkiliy va moliyaviy jihatdan qo’llab quvvatlanmayapti. Mehnatga
yaroqliligi cheklangan aholi qatlamlarini kasb-hunarga yo’naltirish ishlarini tashkil
etish davlat ahamiyati darajasiga ko’tarilgan emas. Kasb- hunarga yo’naltirish
borasidagi ishlarni amalga oshiruvchi kasb-hunarga yo’naltirish Markazlari,
umumiy o’rta ta`lim maktablari, yoshlar ijtimoiy harakati, o’rta maxsus,
kasb-hunar ta`limi hamda oliy o’quv yurtlari, bandlik xizmatining tegishli davlat
tuzilmalari, mulkchilik shaklidan qatiy nazar korxona va muassasalar o’rtasidagi
hamkorlik bugungi kun talablariga javob bermaydi va bu faoliyat
me`yoriy-huquqiy hujjatlar bilan tartibga solingan emas. YUqoridagilar
kasb-hunarga yunaltirishniig bir butun tizimini shakllantirish va rivojlantipish
lozimligini taqozo kiladi.