115
Daniya
Umumta’lim maktablarida maxsus ta’limga muhtoj bolalarning
ehtiyojlarini qondirish uchun mas’uliyat o‘qituvchiga yuklatilgan. Bu
ehtiyojlarni psixolog-pedagogik xizmat belgilaydi; keyinchalik u
o‘quvchining rivojlanishi orqasidan kuzatadi, uni o‘qitish dasturiga
tuzatishlar kiritadi. O‘quvchini maxsus ta’limga yo‘llash to‘g‘risidagi
masala o‘quv ishlari bo‘yicha mudir vakolatiga kiradi.
Integratsiya holida bola turli yordam olishga umid qilishi
mumkin: sinfda maxsus o‘qituvchi bilan maxsus ta’lim olish; sinfdan
tashqarida “guruhda ta’lim olish” (agar o‘quvchi bir yoki bir necha
fanlar bo‘yicha muntazam yordamga muhtoj bo‘lsa). O‘quvchi sinf
o‘qituvchisi bilan kuniga bir necha soat hamkorlik qiladigan maxsus
pedagogdan ham yordam olishi mumkin. O‘qituvchida o‘quvchiga
tanaffuslar va darsdan tashqari tadbirlar paytida hamrohlik qiladigan
assistent bo‘lishi ham mumkin. O‘qituvchi, maxsus pedagog va
assistent yaqin hamkorlikda faoliyat ko‘rsatadi.
