Matbuot kotibi oldida turgan vazifalarni samarali hal etish uchun zarur boʻlgan axborotni
hududiy boshqarmalarning boshqa boʻlinmalari bilan oʻzaro hamkorlikda toʻplaydi
va ularni
puxta ishlaydi.
Hududiy maktabgacha va maktab taʼlimi boʻlinmalari faoliyatiga doir masalalar boʻyicha
bosma materiallarni tayyorlaydi hamda milliy va xorijiy nashrlarda eʼlon qiladi, telekoʻrsatuvlar
va radio eshittirishlarni tashkil etadi.
Ommaviy axborot vositalari bilan axborot-maʼlumotnoma ishlarini amalga oshirish uchun
Hududiy maktabgacha va maktab taʼlimi boʻlinmasi faoliyatining asosiy yoʻnalishlari boʻyicha
tahliliy, statistik va boshqa materiallarning tizimlashtirilgan maʼlumotlar banki tashkil etilishi va
yuritilishini taʼminlaydi.
Hududiy boʻlinmaning veb-saytini zamonaviy darajada yuritishni taʼminlaydi.
Tashkil etiladigan rasmiy tadbirlardan teledasturlar, roliklar va lavhalar tayyorlashda va
ularni montaj qilishda ishtirok etadi hamda ushbu materiallarni belgilangan tartibda saqlash
uchun ularning arxivlashtirilishini taʼminlaydi.
Hududiy maktabgacha va maktab taʼlimi boʻlinmasi
faoliyatiga doir foto, audio va
videomateriallarni tayyorlaydi hamda ularni tayyorlash jarayonida davlat va nodavlat ommaviy
axborot vositalari bilan oʻzaro hamkorlik qiladi.
Axborot maydoni monitoringini olib borish va tahlil qilish,
ularga munosabat bildirib
borish, ommaviy axborot vositalarida, shu jumladan, Internet tarmogʻida materiallar tarqatish
boʻyicha kompleks ishlarni tashkil etadi.
Jamoa va mehnat shartnomalari shartlariga hamda ichki
mehnat tartibi, mehnatni muhofaza
qilish, xavfsizlik texnikasi, odob-axloq qoidalari talablariga rioya etadi.
Hududiy maktabgacha va maktab taʼlimi boʻlinmasi ish rejasi, shuningdek rahbariyati
topshirigʻiga asosan xizmat safarlariga boradi.
Hududiy maktabgacha va maktab taʼlimi boʻlinmasining obroʻsi va shaʼniga
putur
yetkazishi mumkin boʻlgan maʼlumotlarni tarqatmaslik hamda davlat siriga kiritilgan
maʼlumotlar va maxfiy axborot bilan ishlashda qonun hujjatlari talablariga rioya qiladi.
Faoliyatiga taalluqli masalalar boʻyicha jismoniy va yuridik shaxslarning, jumladan,
ommaviy axborot vositalarining murojaatlarini oʻz vaqtida koʻrib chiqadi.
5. Matbuot kotibiga qonun hujjatlariga muvofiq boshqa vazifalar ham yuklatilishi mumkin.
