Matbuot kotibining lavozim yoʻriqnomasi
1-bob. Umumiy qoidalar
1. Mazkur lavozim yoʻriqnomasi matbuot kotibining lavozim majburiyatlari, vakolatlari va
javobgarliklarini belgilab beradi.
2. Matbuot kotibi Oʻzbekiston Respublikasi Prezidenti Administratsiyasi huzuridagi
Axborot va ommaviy kommunikatsiyalar agentligining hududiy boʻlinmalari va Maktabgacha va
maktab taʼlimi vazirligining Axborot xizmati bilan kelishilgan holda hududiy boʻlinma
rahbarining buyrugʻiga koʻra lavozimga tayinlanadi hamda lavozimidan ozod etiladi.
Matbuot kotibi bevosita boshliqqa boʻysunadi va oʻz faoliyatini boshqarma rahbariyati
tomonidan tasdiqlangan ish rejasi asosida amalga oshiradi.
3. Matbuot kotibi Oʻzbekiston Respublikasi
Konstitutsiyasi va qonunlariga, Oʻzbekiston
Respublikasi Oliy Majlisi qarorlariga, Oʻzbekiston Respublikasi Prezidenti Farmonlari, qarorlari
va farmoyishlariga, Oʻzbekiston Respublikasi Vazirlar Mahkamasining qarorlari va
farmoyishlariga, vazirlikning hayʼati
qarorlari, vazirning buyruqlariga hamda boshqarma
boshligʻi koʻrsatmalariga (bundan buyon matnda Oʻzbekiston Respublikasi Prezidenti va
Hukumati hamda vazirlikning hujjatlari), “Oʻzbekiston Respublikasi
Maktabgacha va maktab
taʼlimi vazirligi Markaziy apparatida ish yuritish va hujjatlar ijrosini nazorat qilish toʻgʻrisidagi
Yoʻriqnoma” hamda mazkur yoʻriqnomaga amal qilgan holda faoliyatini olib boradi.
