60
Ho‘l tuzlangan xom ashyoni ivitish
Ho‘l tuzlangan xom ashyoni ivitish, boshqa turdagi
konservalashdan ko‘ra osonroq. Bunga sabab, ho‘l
tuzlangan xom
ashyoning tarkibida suv ko‘pligi va terilar mikrostrukturasi kam
o‘zgarganligidadir. Ho‘llash jarayoni tezroq boradi, ya’ni xom
ashyo 3–4 soat ichida butunlay iviladi. Lekin ivitish terilar qalinligi
bo‘yicha bir xil borishi uchun, ivitish
uzoq muddat davom etishi
zarur. Ivitiladigan suvlar tarkibida osh tuzi bo‘ladi. Konservalangan
xom ashyodan osh tuzi tez fursatda suvga o‘tadi, lekin bir qism osh
tuzi yuvilmay qoladi va oqsillar bilan ular mustahkam bog‘lanadi.
Bu tuzlar oqsillarning aktiv guruhlari bilan kimyoviy bog‘lar hosil
qilib ajralib chiqmaydi.
Moskva charm texnologiyasi markaziy ilmiy tadqiqot instituti
xodimlarining ilmiy tadqiqot ishlariga asosan, xom ashyo toza
suvga solinsa, tuzlar tez suvga o‘tib,
ichki qatlamdagi tuzlar
diffuziyalanishi qiyin bo‘ladi, natijada xom ashyoni ivitish bir xil
bo‘lmaydi, shuning uchun ivitish jarayonini ikki xil bosqichda olib
borish zarur bo‘ladi:
1. Xom ashyoni tuzli suvga ivitish. Bunda xom ashyodagi
tuzlar asta-sekin suvga o‘tadi
va bunda suvda eriydigan
oqsillar tuzli suvda yaxshiroq eriydi.
2. Xom ashyoni suvda ivitish.
