62
Ivitishdagi nuqsonlar
Ivitish jarayoni noto‘g‘ri olib
borilsa yoki bir xil olib
borilmasa terining yuzasi tortiladi va unda yoriqlar paydo bo‘ladi.
Ivitish payti cho‘zilib ketgan bo‘lsa, oqsillar ko‘p ajralib
chiqadi, olingan teri po‘kak holatda bo‘ladi va uning mustahkamligi
kamayadi. Agar terini ivitish paytida bakteriyalar ta’sir etgan bo‘lsa,
charm yuzasida har xil dog‘lar paydo bo‘ladi, mo‘ynada esa mo‘yna
junlari to‘kilib ketadi.
Ivitish jarayonini nazorat qilish
Asosan harorat, S.K. ham ivitish
jarayonini davomiyligini
nazoratlaydi. Xom ashyoning ivitilganligini organoleptik usul bilan
tekshiriladi.
5.1.3. Junsizlantirish
Junsizlantirish yoki tuksizlantirish asosan teri to‘qimasidan
epidermis va junni ajratishdan iborat. Bu ikki bosqichda olib
boriladi:
1. Junni va epidermisni teri to‘qimasi bilan bog‘liqligini
susaytirish. Bu har xil reagentlar yoki fermentlar ta’sirida
hamda gidrotermik usul bilan olib boriladi.
2. Junni mexanik usulda jun
ajratish mashinasida teri
to‘qimasidan tozalash (ajratish).
Teri to‘qimasining soch bog‘lanishini va epidermisning
mustahkamligini susaytirish uchun bir necha usullar qo‘llaniladi:
1.
Terini alohida kameralarda ma’lum harorat ta’sirida saqlash.
2. Terining jun tomonida reagentlarni surkash.
3. Fermentativ usul.
4. Terining baxtarma tomoniga reaktivlar surkash.
5. Sochsizlantirishni kislotali usuli.
6. Kul suvi bilan ishlov berib junsizlantirish.
7. Issiq suv yoki bug‘ bilan ishlov berib junsizlantirish.
