73
Muntazamlilik va izchillik tamoyili o‘quv jarayonining hamma bo‘g‘inlarida
amalga oshiriladi. Uning talablari darsliklar va dasturlarni tuzishda o‘z aksini
topadi. Ulardagi material bir qator didaktik talablar - fanni o‘rganish maqsadi,
uning boshqa hamda fanning mantiqi bilan belgilanadigan tizim bo‘yicha
joylashtiriladi. O‘quv dasturida nazariy va amaliy mashg‘ulotlarning bir-biriga
uzviy bog‘lanishi saqlanishi kerak. Har bir darsda o‘quv maqsadini aniq belgilash
va belgilangan maqsadga muvofiq keluvchi mazmunini tarkib toptirish lozim.
Maxsus fanlar o‘qitishda qo‘llaniladigan metodlarni aniq belgilab,
yaxshi
samara beruvchi usuldan fo‘ydalanish, mashg‘ulotlar davomida berilayotgan bilim
va ko‘nikmalarning bilim oluvchilar tomonidan o‘zlashtirilish darajasini
belgilovchi nazorat va tekshirishning turli usullari hamda testlardan foydalanish
muhim ahamiyat kasb etadi. Bilim oluvchilarning bilim saviyasi oshib borishiga va
rivojlanishiga qarab predmetni bayon qilishning didaktik tizimi fan tizimiga tobora
yaqinlashtirib boriladi. Mashg‘ulotlarni o‘tkazishda dasturga aniq rioya qilish va
bilim oluvchilarning darslik bilan ishlashi ularning
bilimlarni muayyan tizim
asosida o‘zlashtirib olishlariga yordam beradi.
