141
oluvchi o‘zining psixofiziologik xususiyatidan kelib chiqib, animatsion
ma’ruzadagi trayektoriyasi, o‘zlashtirish sur’ati va o‘rganish usulini tanlaydi.
Amaliy mashg‘ulotlar kompyuter texnologiyalarining
zamonaviy yutuqlarini
mujassamlashtiruvchi trenajerlar, virtual reallik asosida o‘qitish vositalari, ekspert
o‘rgatuvchi tizimlarga asoslanadi.
Masofaviy malaka oshirish intellektual tizimida trenajyorlar aqliy va mehnat
amaliyotlarini imitatsiyalash asosida o‘zlashtirishini ta’minlaydi.
Virtual reallik muhitni ideallashtirish tamoyillari asosida malaka oshirish
jarayonlarini jadallashtirish imkonini beradi.
Ekspert o‘rgatuvchi tizimlar ta’lim oluvchilar bilim darajasini aniqlash va
rivojlantirish jarayonlarini tegishli faoliyat sohasining
yetuk mutaxassisi
funksiyasini
bajara
oladigan
bilimlar
va ma’lumotlar banki asosida
tashkillashtirishga qaratilgan.
Fan dasturlarini o‘zlashtirish modulli ta’lim texnologiyasi asosida tashkil
etilganligi, uni mustaqil o‘zlashtirishda ta’lim oluvchilarni muntazam ravishda
qo‘shimcha manbalarga murojaat qilishga undaydi.
Bu boradagi ehtiyojlarni
qondirish maqsadida bilim olishning intellektual tizimida ONLINE va OFFLINE
rejimidagi maslahatlar, javobni tayanch so‘z bo‘yicha qidirish hamda bilimlar
bankidan tarkib topgan elektron maslahat bloki ko‘zda tutilgan.
Online rejimida maslahatlar chat texnologiyasidan
foydalanib amalga
oshiriladi. Tyutor maslahatlar beriladigan vaqt haqida avvaldan elektron pochta
orqali ta’lim oluvchilarga xabar beradi. Bunday maslahatlar o‘zlashtirilishi
murakkab bo‘lgan mavzularga duch kelinganda; amaliy mashg‘ulotlarni bajarishda
kutilmagan savollarga javob topishda; yangi materiallarni taqdim etishda;
mutaxassislar bilan muloqot qilishda amalga oshiriladi.
Mustaqil ta’lim tizimida elektron maslahatchidan foydalanishda ta’lim
oluvchi dastlab tezkor javob olish uchun online rejimida
mutaxassisdan maslahat
oladi, agar ushbu javob uni qoniqtirmasa, yoki tegishli javobni topa olmasa u
offline rejimida yuqori malakali mutaxassisdan maslahat olishi mumkin.
