O’zbekiston Respublikasi «O’zbekiston temir yo’llari» AJ kotibiyatida fuqarolarning murojaatlari bilan ishlash tartibi to’g’risida
QO’LLANMA
I.Umumiy qoidalar
1.Ushbu qo’llanma O’zbekiston Respublikasi Konstitusiyasining 35-moddasida “Fuqarolarning murojaatlari to’g’risida” O’zbekiston Respublikasi Qonuniga, Vazirlar Maxkamasining 2005 yil 5 martdagi 7-son bayoniga muvofiq kompaniya boshqarma, mintaqaviy uzellar va tarkibiy bo’limlarining, fuqarolar murojaatlari bilan ishlash tartibini belgilaydi.
2.”Fuqarolarning murojaatlari to’g’risida” O’zbekiston Respublikasi Qonunining 6-moddasiga muvofiq murojaatlarda fuqarolarning familiyasi, ismi, otasining ismi, yashash joyi to’g’risidagi ma’lumotlar ko’rsatilgan, ariza, taklif yoki shikoyatning mohiyati bayon qilingan bo’lishi kerak.
Yozma murojaatlarda murojaat etuvchining imzosi bo’lishi lozim. Murojaatga shaxsiy imzo qo’yish imkoni bo’lmagan taqdirda, bu murojaatlar uni yozgan shaxsning imzosi bilan tasdiqlanib, uning familiyasi ismi otasining ismi ham yozib qo’yiladi.
Fuqaroning familiyasi ismi, otasining ismi, yashash joyi to’g’risidagi ma’lumotlar ko’rsatilmagan, shuningdek imzo qo’yilmagan yoki u haqda soxta ma’lumotlar bo’lsa u haqqoniy emas deb hisoblanadi va ko’rib chiqilmaydi.
|
