1-rasm. Mahsulotlarning umumiy ko‘rinishi
Bunday tushuncha mahsulotga nafaqat non, konserva mahsulotlari, dazmollar, oyoq kiyimlari va boshqa tayyor buyumlar, bal’ki bioob’ekt faoliyati hisoblangan yovvoyi tarzda o‘sadigan mahsulotlarni ham kiritishni taqozo etadi. Masalan, yovvoyi mevalar, sabzavotlar, zamburug‘lar, yovvoyi hayvonlar go‘shti, dengiz baliqlari ham mahsulotlar turkumiga kiradi.
Agar mahsulot oldi-sotdi ob’ekti sifatida namoyon bo‘lsagina u tovarga aylanadi. Bog‘da yetishtirilgan yoki yovvoyi holdagi daraxtdan terib olingan meva agar shaxsiy iste’mol uchun foydalanilsa, tovar emas mahsulot, bozorda esa 5ovar hisoblanadi.
Tovar – bu oldi-sotdi ob’ekti hisoblanadi va iste’molchilar talabini qondirish vositasidir.
Atamaning bunday ta’riflanishi tovarga nafaqat moddiy mahsulotlarni, bal’ki nomoddiy (xizmatlar, axborotlar va boshqalar) ob’ektlarni xam kiritishga imkon beradi.
Shunday qilib, tovar tijorat faoliyatining asosiy ob’ektlaridan biri sifatida maydonga chiqadi. Boshqa ob’ektlariga esa xizmatlar, qimmatli qog‘ozlar, pul,
6ovar6ectual mehnat mahsulotlarini kiritish mumkin. Ular nomoddiy mahsulotlar hisoblanadi.
Tovar bu ma’lum bir iste’mol qiymatiga ega bo‘lgan murakkab tushuncha va murakkab moddiy ob’ekt hisoblanadi.
Xaqiqatda ham, tovarlar insonning xilma-xil xayotiy ehtiyojlarini qondiradi, ularning ko‘plari esa insonning butun xayoti davomida iste’mol qilinadi. Masalan, ba’zi bir oziq-ovqat tovarlari xalq tabobatida va zamonaviy tibbiyotda kasalliklarning oldini olish hamda har xil kasalliklarni davolashda keng qo‘llaniladi.
Oziq-ovqat tovarlarini har kuni va tez-tez iste’mol qilib turilishi, mutaxassislar va iste’molchilar ular xaqida kamroq ma’lumotlarga ega bo‘lsa ham yetarlidir, degan noto‘g‘ri xulosani qilishga olib keladi.
Oziq-ovqat mahsulotlarining assortimenti
Sanoat assortimenti deganda sanoatning ma’lum bir tarmoqlarida yoki ayrim olingan sanoat korxonalari tomonidan ishlab chiqarilayotgan tovarlar assortimenti tushuniladi.
Har xil korxonalar ishlab chiqaruvchilar tomonidan ishlab chiqarilayotgan tovarlarning sanoat assortimenti mulkchilik shaklidan qat’iy nazar O‘zbekiston Respublikasi Sog‘likni saqlash vazirligining sanitariya organlari bilan kelishilgan bo‘lishi kerak.
|
