144
Ketma – ket bug‗latib haydashda neft boshlanishdan oxirgi haroratigacha
bosqichma - bosqich qizdiriladi, hosil bo‗lgan bug‗lar uzluksiz qaytariladi va
kondensatsiyalanadi. Neft va neft mahsulotlarini bunday usulda haydash asosan
laboratoriya sharoitida fraksian tarkibini aniqlashda qo‗llaniladi.
Bir marotabali haydashda suyuqlik (neft) bug‗lari hosil qilinadi va ular
muvozanat holatga yetguncha belgilangan haroratgacha qizdiriladi va bug‗lar
suyuqlik faza – qoldiqdan bir martali ajratiladi. Bu usul, bosqichma-bosqich
bug‗latib haydashga nisbatan, haydashning katta qismini bir xil harorat va bosim
bilan ta‘minlaydi. Bu usulning muhim ustunligi shundaki, neftni haydash
amaliyotida, neft kreking qilinmasdan turib qizdirishning cheragalangan
haroratida bug‗larni maksimal ajratishga erishishda foydalaniladi.
Ko‗p martali bug‗latib haydash oldingi jarayondan qolgan qoldiqqa
nisbatan, yanada yuqoriroq haroratda yoki pastroq bosimda bir martali haydash
jarayonini ketma-ket qo‗llashdir. Murakkab haydash jarayonlari deflegmatsiyali
va rektifikatsiyali haydash turlariga ajratiladi.