Taksi (frans.
taximetre «qiymət sayğacı», sonralar avtomobili belə adlandırdılar) - sərnişin
və yükün istənilən nöqtəyə, gediş haqqı sayğac - taksometr üzrə ödənilməklə, daşınması üçün
istifadə olunan ictimai nəqliyyat, adətən avtomobil, vasitəsidir. Taksi avtomobili kimi, əsasən
sedanlar və ya minivenlər, seyrək hallarda isə limuzinlər istifadə edilir.
Taksilərin primitiv prototipi Londonda 1636 cı ildə, Parisdə isə bir il sonra meydana
gəlmişdir. Motorlu muzdla işləyən ilk ekipajlar - fıakrlar
(fr. fiacre) Fransada 1896 cı ildə
yaranmış, lakin çox müvəffəqiyyət qazanmamışlar. Kasıbların onlardan istifadə etməyə pulları
çatmır, varlıların isə öz ekipajları vardı. Əsas çətinlik vahid tarifin olmaması idi.
1891 ci ildə
alman alimi Vilhelm Bryun ilk taksometr kəşf etdi və vəziyyət getdikdə dəyişməyə başladı.
1907 - ci ildə İngiltərə paytaxtında taksometrləri olan ilk taksomotorlar peyda oldular və onların
xidmətinə tələb kəskin artdı.
Motosiklet taksi.
Asiyanın bir çox ölkəsində, məsələn, Banqkokda hakimiyyət orqanları
motosikletlərin taksi kimi işləməsinə icazə vermişlər. Belə motosikletlərin, adətən, arabası
olmur və onlar bir nəfərə xidmət edirlər. Banqkokda motosiklet taksilərin sürücüləri narıncı jilet
geyinirlər.
