Texnik ijodkorlik va konstruksiyalash h. O. Uzoqov, H. O. Jo’rayev, sh. H. Quliyeva, A. R. Jo’rayev, M. N. Karimova, D. P. Nazarova

~ 20 ~ 
mulk huquqlarini muhofazalash bilan bog`liq masalalarni tartibga 
soluvchi quyidagi qonunlar amal qiladi: 
1996 yil 30 avgustda qabul qilingan “Mualliflik huquqlari va 
turdosh huquqlar to`g`risida”gi qonun; 
1994 yil 6 mayda qabul qilingan va 1997 yil 26 dekabrda 
o`zgartirilgan “Ixtirolar, foydali modellar va sanoat namunalari 
to`g`risida”gi qonun; 
1993 yil 7 mayda qabul qilingan va 1997 yil 26 dekabrda 
o`zgartirilgan “Tovar belgilari va xizmat ko`rsatish belgilari 
to`g`risida”gi qonun; 
1994 yil 6 mayda qabul qilingan “EHM va ma’lumotlar bazalari 
uchun dasturlarni huquqiy muhofazalash to`g`risida”gi qonun; 
1996 yil 30 avgustda qabul qilingan “Seleksiya yutuqlari 
to`g`risida”gi qonun. 
2001 yil 12 mayda qabul qilingan “Integral mikrochizmalar 
topologiyasi huquqiy muhofazalash to`g`risida”gi qonun. 
Intellektual 
mulk 
huquqlarini 
muhofazalash 
sohasidagi 
“Qonunchilik piramidasi”ni vakolatli vazirlik va idoralarning me’yoriy 
hujjatlari yakunlaydi. Odatda, aynan ana shu hujjatlar bilan intellektual 
mulk ob’yektlariga muhofaza olish bilan bog`liq ayrim jarayonlar 
mexanizmi tartibga solinadi. Talabnomalarni tuzish va berish qoidalari, 
davlat ekspertizalarini o`tkazish bo`yicha turli yo`riqnomalar bunday 
hujjatlarga misol bo`la oladi. 
Intellektual mulk ob’yektlariga mulkiy huquqlar nimadan iborat? 
Intellektual mulk ob’yektlariga mulkiy huquqlar fuqaro yoki 
yuridik shaxsning shu ob’yektga alohida huquqlaridir. Birinchi bobda 
qayd etib o`tganimizdek, alohida huquqning mohiyati shundan iboratki, 
intellektual mulk ob’yekti egasi o`zining ixtiyoriga ko`ra, bu 
ob’yektdan yakka o`zi istalgan shaklda va istalgan usulda foydalanishi 
mumkin. Faqat alohida huquqlar egasi intellektual mulk ob’yektidan 
boshqa shaxslar foydalanishiga ruxsat berishi yoki man qilishi mumkin. 
Muhofazalanadigan intellektual mulk ob’yektidan foydalangan 
holda yaratilgan mahsulotni ruxsatsiz tayyorlash, qo`llanish, olib kirish, 
saqlash, sotishga taklif etish, sotish va boshqa har qanday yo`l bilan 
xo`jalik oborotiga boshqacha tarzda kiritish, shu jumladan, 
patentlangan usulni qo`llanish yoki bevosita shu usul bilan 
tayyorlangan mahsulotni xo`jalik aylanmasiga kiritish alohida 
huquqlarni buzish hisoblanadi. 
Intellektual mulk ob’yekti har qanday holda ham qandaydir 
moddiy shaklda ifodalanishini qayd etib o`tish zarur. Masalan, 

~ 21 ~ 
muayyan dvigatel shaklidagi ixtiro, musiqa asari moddiy eltuvchi - 
audiokasseta yoki nota shaklida yozilishi mumkin. Lekin alohida 
huquqlar o`z egasiga muhofazalangan intellektual mulk ob’yekti o`z 
aksini topgan moddiy ob’yektdan (masalan, muayyan mashina, 
uskunalar) cheksiz foydalanish huquqini bermaydi. Shunday vaziyat 
ham bo`lishi mumkinki, intellektual mulk ob’yekti, masalan, ixtirodan 
(ixtiro yangi ichki yonuv dvigateli deb tasavvur qilamiz) dvigatel 
ekologik 
standartlarga 
muvofiq 
emasligi, 
sertifikatsiyadan 
o`tmaganligi sababli umuman foydalanib bo`lmaydi. Bundan tashqari, 
shunday holatlar bo`ladiki, dvigatelda o`ziga xos karbyuratordan 
foydalanilgan, u esa o`z navbatida boshqa shaxsning intellektual mulki 
bo`lishi mumkin. 
Bundan shunday xulosa chiqarish mumkinki, ya’ni intellektual 
mulkdan foydalanish amaldagi qonunchilik, shuningdek boshqa 
shaxslarning qonuniy alohida huquqlari buzilishiga olib keladigan 
hollarda intellektual mulkdan foydalanish mumkin emas. Lekin 
foydalanish mumkin emas, degani mulk egasining alohida huquqlari 
cheklanishini bildirmaydi. Chunki bunday hol vaqtincha bo`lishi 
mumkin, masalan, ekologik standartlar o`zgarishi, raqobatchi 
patentning harakatlari boj to`lanmaganligi sababli to`xtatib qo`yilishi 
mumkin va hokazo. Bundan kelib chiqadiki, intellektual mulk 
ob’yektiga alohida huquqlar ular o`z ifodasini topgan moddiy 
ob’yektga egasining mulkiy huquqlari bor-yo`qligidan qat’iy nazar 
amal qilaveradi. 

Download 5,18 Mb.