~ 4 ~
KIRISH
Mazkur “Texnik ijodkorlik va konstruksiyalash” o`quv
qo`llanmasi Texnologik ta’limi yo`nalishi 5112100 bakalavriat
talabalari uchun mo`ljallangan. O`quv qo`llanma mazkur fan
namunaviy dasturiga muvofiq yozilgan.
Ta`limning belgilangan vazifalaridan biri yuqori saviyada
o’qitishni ta`minlash va malakali kadrlarni zamonaviy ta`lim dasturlari
asosida
tayyorlashdan
iborat.
Pedagogik
texnologiyalarning
rivojlanishi va ularning o’quv-tarbiya jarayoniga kirib kelishi,
shuningdek, axborot texnologiyalarining tez almashinuvi va
takomillashuvi jarayonida har bir inson o’z kasbiy tayyorgarligini,
mahoratini kuchaytirish imkoniyati yaratiladi.
O`quv qo`llanmada texnik ijodkorlik faoliyatining tashkiliy
asoslari, ixtiro, kashfiyot, ratsionalizatorlik takliflari va patent axboroti,
texnik ijodkorlik masalalarini yechish metodlari, “Amal va xato”
metodi, “Aqliy hujum” metodi, dizayn va modellashtirish, ergonomika
va dizayn asoslari, texnik modellashtirish va konstruksiyalash,
o`quvchilar texnik ijodkorlik faoliyatiga rahbarlik qilish, sinfdan va
maktabdan tashqari muassasalarda texnik ijodkorlik faoliyatini tashkil
qilish, o`quvchilar texnik ijodkorligini rivojlantirish metodlariga oid
mavzular yoritib berilgan.
Qog`oz va karton bilan ishlash, pap’e-mashe texnikasi, tabiiy
materiallar bilan ishlash, gazlama qoldiqlari bilan ishlash, applikatsiya
texnikasiga oid laboratoriya ishlariga oid mavzular o`rin olgan. Har bir
laboratoriya mashg`uloti uchun nazariy ma’lumotlar keltirilgan. Bu
talabalarning
nazariy
ma’lumotlarni
o`zlashtirib
olishlariga
yordamlashadi. Barcha laboratoriya ishlari o`quv jarayonida sinab
ko`rilgan.
Talabalar har bir ishni bajarishga kirishishlaridan oldin mazkur
mavzularga tegishli o`quv materiallarni zarur adabiyotlardan o`qib
chiqqan bo`lishlari va tavsif oxirida berilgan sinov savollariga javob
bera oladigan darajada tayyor bo`lishlari lozim.
Mazkur o`quv qo`llanmadan faqat Texnologik ta’lim” yo`nalishida
tahsil olayotgan talabalar emas, balki shu fandan mashg`ulot
o`tkazuvchi o`qituvchilar ham foydalanishi mumkin.
