Xorazm viloyati aholisi haqida
2024- yil 1- aprel holatiga, dastlabki ma’lumotlar Xorazm viloyatining
doimiy aholisi soni 2024- yilning 1-aprel holatiga 2002,8 ming kishini tashkil etib,
yil boshiga nisbatan 7,3 ming kishiga yoki 0,4 %ga ko‘paydi. Jumladan, shahar
aholisi soni 661,9 ming kishini (jami aholi sonidagi ulushi 33,0 %), qishloq aholisi
soni 1 340,9 ming kishi (67,0 %)ni tashkil etdi.
2024- yil 1-aprel holatiga ko‘ra, viloyat doimiy aholisi sonining 31,1 % i
mehnatga layoqatli yoshdan kichiklar, 58,6 % i mehnatga layoqatli yoshdagilar va
10,3 % i mehnatga layoqatli yoshdan kattalar hissasiga to‘g‘ri kelmoqda.
Manba : Xorazm viloyati statistika boshqarmasi
Viloyatda 2024- yil 1- aprel holatiga 1 kvadrat kilometrga o‘rtacha 331 kishi
to‘g‘ri kelgan. Bu esa o‘tgan yilning mos davriga nisbatan solishtirilganda 6 kishiga
ortgan (2023- yilda 1 kv.km.ga 325 kishi).
Shahar va tumanlar bo‘yicha qaraydigan bo‘lsak, aholi zichliginig eng
yuqori ko‘rsatkichi Urganch shahrida 5309 kishi, Xiva shahrida 2905 kishi, Urganch
tumanida 481 kishi, Hazorasp tumanida 460 kishi, Xonqa tumanida 460 kishini
tashkil etgan bo‘lsa, eng past ko‘rsatkichlar Tuproqqal’a tumanida 37 kishi,
Yangibozor tumanida 271 kishi, Yangiariq tumanida 307 kishi, Qo‘shko‘pir
tumanida 339 kishini tashkil etgan.
Xorazm viloyati shahar va tumanlari kesimida 2024- yil 1- aprel holatiga eng
ko‘p aholining o‘sish surati Tuproqqal‘a tumanida 2,6 foizga, Urganch shahrida 2,1
foizga , Bog‘ot, Urganch tumani va Xiva tumanida 2,0 foizga kuzatilgan.
2024-yil yanvar-mart oylarida 9 628 ta bola tug‘ilganligi qayd etilgan bo‘lib,
mos ravishda 1000 aholiga nisbatan tug‘ilish koeffitsiyenti 19,4 promilleni tashkil
etdi hamda bu ko‘rsatkich 2023- yilga nisbatan 0,6 promillega kamayganligi
kuzatildi (2023-yilning yanvar-mart oylarida 20,0 promilleni tashkil etgan).
2024-yilning yanvar-mart oylarida 2 057 ta o‘lim qayd etilgan bo‘lib, har
1000 aholiga o‘lim koeffitsiyenti 4,1 promilleni tashkil etgan hamda 2023-yil
yanvar- mart oylariga nisbatan 0,3 promillega kamaygani kuzatildi (2023- yilda 4,4
promilleni tashkil etgan).
2024- yilning yanvar-mart oylarida qayd etilgan o‘lim holatining 50,1 %i –
qon aylanish tizimi kasalliklaridan, 10,1 %i – o‘simtalardan, 5,3 %i – nafas olish
a’zolari kasalliklaridan, 4,5 %i – baxtsiz hodisa, zaharlanish va jarohatlanishlardan,
4,9 %i – ovqat hazm qilish a’zolari kasalliklaridan, 0,8 %i – yuqumli va parazitar
kasalliklardan, 24,3 %i boshqa kasalliklardan vafot etganlar.
2024- yilning yanvar-mart oylarida 5 038 ta nikoh qayd etilgan bo‘lib, har
1000 aholiga nikoh koeffitsiyenti 10,1 promilleni tashkil etgan hamda 2023- yilga
nisbatan 0,7 promillega kamaygani kuzatildi (2023-yilning yanvar-mart oylarida
10,8 promille bo‘lgan).
2024-yil yanvar-mart oylarida 508 ta nikohdan ajralishlar qayd etilgan
bo‘lib, har 1000 aholiga nikohdan ajralishlar koeffitsiyenti 1,0 promilleni tashkil
etgan hamda 2023-yilga nisbatan 0,3 promillega kamayganligi kuzatildi (2023-yil
yanvar-mart oylarida 1,4 promille bo‘lgan).
2024- yil yanvar-mart oylarida viloyat bo'yicha doimiy yashash maqsadida
ko'chib kelganlar jami soni 2 707 kishini tashkil etdi.
Doimiy yashash maqsadida ko'chib ketganlar soni jami 3 028 kishini,
migratsiya saldosi mipus 321 kishini tashkil etdi. (2023- yil yanvar-mart oylarida
minus 445 kishini tashkil etgan).
2024-yilning yanvar-mart oylarida 2 707 ta ko‘chib kelganlar qayd etilgan
bo‘lib, har 1000 aholiga ko‘chib kelish koeffitsiyenti 5,4 promilleni tashkil etgan
hamda 2023- yilga nisbatan 1,1 promillega ko‘payganligi kuzatildi (2023-yilning
yanvar-mart oylarida 4,3 promille bo‘lgan).
2024- yilning yanvar-mart oylarida 3 028 ta ko‘chib ketganlar qayd etilgan
bo‘lib, har 1 000 aholiga ko‘chib ketish koeffitsiyenti 6,1 promilleni tashkil etgan
hamda 2023- yilga nisbatan 0,9 promillega ko‘payganligi kuzatildi (2023- yilning
yanvar-mart oylarida 5,2 promille bo‘lgan).
O‘rtacha oylik nominal hisoblangan ish haqi ko‘rsatkichini viloyat hududlari
bo‘yicha ko‘radigan bo‘lsak, o‘rtacha oylik ish haqining yuqori miqdori Urganch
shahrida 5 426,4 ming so‘mni (viloyatdagi o‘rtacha oylik ish haqiga nisbatan 135,4
%), Tuproqqal’a tumanida 5 121,5 ming so‘mni (127,8 %) tashkil etgan bo‘lsa,
Yangibozor tumanida 2 915,4 ming so‘mni (72,7 %), Hazorasp tumanida 2 927,1
ming so‘mni (73,0 %), Gurlan tumanida 2 930,1 ming so‘mni (73,1 %) tashkil etib,
boshqa tumanlarga nisbatan kam miqdorga ega bo‘lmoqda.
Iqtisodiy faoliyat turlari kesimida ish haqi ko‘rsatkichlarini umumlashtirish
natijasida, 2024- yil yanvar-mart oylarida Xorazm viloyatida o‘rtacha oylik nominal
hisoblangan ish haqi 4 008,6 ming so‘mni (ish haqiga ustama, mukofot,
rag‘batlantirish xususiyatiga ega to‘lovlar, kompensatsiya va ishlanmagan vaqt
uchun haq kabi to‘lovlar kiritilgan, shuningdek, uning tarkibida jismoniy shaxslar
daromad solig‘i, ijtimoiy sug‘urta va kasaba uyushmasiga to‘lovlar ham mavjud)
tashkil etib, 2023- yilning mos davriga nisbatan 17,1% ga o‘sishi kuzatildi.
2024- yil yanvar-mart oylarida 2023- yilning mos davriga nisbatan iqtisodiy
faoliyat turlari bo‘yicha o‘rtacha oylik nominal hisoblangan ish haqining yuqori
o‘sish sur’ati qurilishda - 35,1 %, tashish va saqlash faoliyatida – 34,7 %, axborot
va aloqada– 25,7 %, moliyaviy va sug‘urta faoliyatida – 24,9 %, ta’lim– 17,9 %,
sog‘liqni saqlash va ijtimoiy xizmatlarda – 17,4 %, yashash va ovqatlanish bo‘yicha
xizmatlarida – 14,9 %, savdoda – 11,9 %, sanoatda– 10,5 % darajada kuzatildi.
|
