|
Pomidor va bodringni saqlashBog'liq birlamchi ishlov berish saqlash va quritish Pomidor va bodringni saqlash
Pomidorni saqlash.
Pomidorni boshqa sabzavotlarga qaraganda saqlash ancha mushkul. Shunday
bo‟lsada, uni 2-3 oy saqlash mumkin. Pomidorning 60-70 g keladigai hosillari, kichik hosilli navlariniki
35-50 g lilari yaxshi saqlanadi. Tarkibida suv miqdori ko‟p bo‟lgan navlarining mevasi uzoq vaqt
saqlanmaydi. Pomidor po‟stining qalinligi, mag‟zining qattiqligi va yorilishiga chidamliligi uning
saqlanuvchanligini belgilaydi.
Saqlash uchun to‟liq shakllangan och ko‟k pomidor meva bandi bilan teriladi. Ular
shikastlanmagan, kasallik va zararkunanda zararlamagan hamda uncha kichik bo‟lmasligi lozim.
Pomidor omborlarda
yashiklarga solinib saqlanadi. Bunda yashiklar eniga ikki qator, tepasiga
sakkiz-o‟ntadan qilib, uzunasiga esa istalgancha joylanadi. Taxlar orasida 0,6-1,5 m li yo‟lak yashiklar
o‟rtasida esa 5-10 sm oraliq qoldirish tavsiya etiladi.
Qizil rang pomidorlarni 30 kungacha, dumbullarini 40-50 kun, ko‟kishlarini esa 80 kungacha
saqlash mumkin.
Och ko‟k pomidorning pishib etilishi uchun harorat 10-12°S bo‟lgani
ma‟qul. Bundan
yuqori
haroratda pomidorning pishib etilishi tezlashadi, past haroratda esa tezda kasallanadi. Pishgan pomidorni
esa 0°S hamda 1°S da sovitgichda saqlash mumkin. Bunda havoning nisbiy namligi 90-95% atrofida
bo‟lishi kerak.
Bodringni saqlash.
Bodringni ham uzoq muddatga saqlab bo‟lmaydi. Uni qulay sharoitda 15-20
kungacha saqlash mumkin. Barra bodringni saqlashda xavo harorati 8-10°S va namligi 90-95% bo‟lishi
lozim.
Bodringni terish vaqti va terish sifati uni saqlashda katta ahamiyatga ega. Terish texnologiyasining
buzilishi uning barraligi tez yo‟qolishiga, burishib sarg‟ayishiga va eb bo‟lmaydigan bo‟lib qolishiga olib
keladi. Pishib o‟tib ketgan bodringning urug‟i va po‟sti zichlashadi, eti dag‟allashadi. Bodring odatda
ertalab, issiq boshlanguncha terib olinishi lozim. Kechki bodringni kun bo‟yi terish mumkin. U
yashiklarda yoki maxsus savatlarda tashiladi.
Saralash va joylash ehtiyotlik bilan salqin binolarda o‟tkaziladi.
Bodringni saqlashda havo haroratini pasaytirish tavsiya etilmaydi. Past haroratda bodringda
kechadigan fiziologik jarayonlar buziladi va natijada uning sifati pasayadi. Bodringni polietilen qoplarga
solib saqlash yaxshi natija beradi.
|
| |
