|
Mastikali (o’rama materialsiz) tom qoplamasini hosil qilishBog'liq 14 – Ma’ruza Himoya qoplamalarini barpo etish texnologiyasi
Mastikali (o’rama materialsiz) tom qoplamasini hosil qilish
Qaynoq bitumli mastikalar bilan o’rama materiallarni yopishtirib tom qoplamasini hosil
qilish ishlari narxining yuqoriligi, mehnat sarfining kattaligi, mehnat unumdorligining pastligi,
asosni tekislash, quritish, gruntovka qilish kabi qo’shimcha jarayonlarning bajarilishi bilan
ajralib turadi. Bundan tashqari yuqori harorat, o’zgaruvchan harorat-namlik sharoitida karton
asosli o’rama materiallarning chirishi, yopishtirilgan o’rama materiallarning yumshashi, bitumli
mastikaning oqib chiqishi kuzatiladi.
Mastikali tom qoplamasi sanab o’tilgan kamchiliklardan holi bo’lib asosni tayyorlashda
quritilgan asosga bitumli gruntovka surtib chiqiladi.
Bitum mastikali tom qoplamasida mastika sifatida bitumli bog’lovchining tolasimon
yoki mayda tuyilgan to’ldirgich bilan aralashmasidan foydalaniladi. Mastika (emulьsiya) 3...4
qatlam qilib surtiladi. Har bir qatlam o’zidan avvalgi qatlam qurigandan so’ng surtiladi.
Mastikali tom qoplamasi simlanmagan yoki simlangan bo’lishi mumkin. Simlovchi material
sifatida shisha to’r, shisha mato va qirqilgan shisha tola ishlatiladi.
SHisha mato asosga surtilgan mastika qatlami ustiga to’shaladi. To’shash paytida shisha
matoning ichki sirtiga qo’shimcha mastika surtiladi. So’ngra shisha matoning ustki sirtiga ham
shisha mato pishilguncha mastika surtib chiqiladi.
Mastikali tom qoplamasining asosi temir-beton yopma plitasi, monolit issiq saqlagich
qatlam va tsement-qumli tekislovchi qatlamdan iborat.
Mastikali tom qplamasini shisha to’r bilan simlashda shisha to’r o’ramlari bo’ylama va
ko’ndalang yo’nalishda 100mm chok bostirib to’shaladi.
Mastikali tom qoplamasini qirqilgan shisha tola bilan simlashda shisha tolani berilgan
o’lchamda qirqib, mastika bilan aralashtirib sochuvchi qurilmadan foydalaniladi.
Mastikali tom qoplamasining uzoqqa chidamliligini oshirish uchun uning sirti alyuminiyli
bo’yoq bilan bo’yaladi, qumdan yoki mayda toshdan sochma himoya qatlami hosil qilinadi.
|
| |
