|
Fakultet va gospital xirurgiya kafedrasi «tasdiqlayman»
|
| bet | 19/23 | | Sana | 04.04.2017 | | Hajmi | 2.74 Mb. | | #2867 |
Patologik anatomiyasi. Qizilo‘ngach o‘rta uchdan bir qismining divertikuli, devorlarining konussimon yoki yumaloq bo‘rtib chiqishi bilan ifodalanib, ular yuqoriga yo‘nalgan, traxeya yoki boshqa a'zolar bilan biriktiruvchi to‘qima bitishmalari orqali yopishgan. Bu divertikullarning diametri 1-2 sm va ahyon-ahyonda undan kattaroq, ular ko‘p sonli bo‘lishi mumkin. Divertikul devori qizilo‘ngach devoriga o‘xshash tuzilgan. Shilliq pardasi aksari giperemiyalangan, eroziyalari ham bo‘lishi ham mumkin. Bunday divertikulning odatda bo‘yni bo‘lmaydi va qizilo‘ngach bo‘shlig‘i bilan keng tutashib turadi, shunga ko‘ra ularda ovqat tutilib va turib qolishi kamdan-kam bo‘ladi.
Klinikasi. Bunday divertikullar ko‘pincha klinik jihatdan hyech qanday belgilar bilan yuzaga chiqmaydi, yutishning qiyinlashuvi, to‘sh orqasidagi og‘riq, qon ketishi kam bo‘ladi. Agar bifurkatsion divertikullarning o‘lchami kattalashib ketsa, ular og‘ir azoblar keltirib chiqarishi mumkin. Bu xildagi divertikullar tamoman osoyishta kechadi. Ayrim hollardagina yiringlanish va abssess hosil bo‘lishi kabi asoratlar qayd qilinadi, biroq divertikullarning atrofidagi ko‘p miqdordagi biriktiruvchi to‘qimadan iborat bitishmalar yiringlikning tarqalib ketishiga yo‘l qo‘ymaydi. Yiringlikning bronxlar va bronx-qizilo‘ngach fistula (oqma) si hosil bo‘lishi, teshilishi (perforatsiya) juda kamdan-kam kuzatiladi. Yiringlikning qizilo‘ngachga yoki aortaga yorilishi bundan ham kam uchraydi.
|
| |
