“Ta’limda innovativ-kreativ texnologiyalarning qo’llanilishi, neyrolingvistik dasturlashning
amaliy asoslari” mavzusidagi xalqaro konferentsiya 2021-yil, 27-dekabr
261
M.M.Gadoyeva
Buxoro viloyat XTXQTUMOHM,“Pedagogika va psixologiya, ta’lim
texnologiyalari” kafedrasi katta o’qituvchisi
INTEGRATSION VA DIFFERENSIAL TA’LIMDA PEDAGOG
INNOVATSION FAOLIYATINING AHAMIYATI
Annotatsiya
: Ushbu maqolada integratsion va differensial ta’limda innovatsion
faoliyatning ahamiyati ko’rsatilgan, shuningdek innovatsiya jarayonlari, ularning
funksiyalari, rivojlanish qonuniyatlari, mexanizmlari va uni amalga oshirish
texnologiyalarining mazmun-mohiyati ochib berilgan.
Kalit so’zlar:
axborot texnologiyalari, integratsion tizim, reproduktiv, evristik,
kreativ faoliyat, aksiologiya, innovatsiya
O’zbekiston Respublikasi Prezidenti Shavkat Mirziyoev ta’kidlaganlaridek,
“Hayotimizning eng muhim jabhalari uchun yuksak texnologiyalar, ilmiy
ishlanmalar yaratish, malakali mutaxassislar tayyorlash, jahon axborot
texnologiyalari bozorida munosib o‘rin egallash masalasiga ustuvor ahamiyatga
ega vazifa sifatida qarashimiz zarur.”
12
.
Integratsion tizim – xar tomonlama rivojlangan shaxsni tarbiyalash va o‘qitishdagi
tabaqalashtirish yaxlit dunyoqarashga ega, mavjud bilimlarni mustaqil ravishda bir
tizimga soluvchi, turli muammolarni noan’anaviy yondoshgan xolda xal etuvchi
kishilarni tarbiyalashdan iborat. Integratsiyaning maqsadi dastlabki qadamlardanoq
dunyoni yaxlit bir tizim deb, undagi barcha tarkibiy qismlar bir-biri bilan o‘zaro
bog‘langan deb tasavvur qilishga o‘rgatishdan iborat.
O‘qituvchilarni innovatsion faoliyatga tayyorlash muammosiga murojaat
etish jamiyatda innovatsion jarayonlar dinamikasining o‘sib borayotganligini
tushunish natijasida vujudga keldi. Uning tahlili faqat fan va texnika erishgan
zamonaviy yutuqlardan foydalanishni o‘z ichiga olmasdan, balki yangiliklarni
izlash, yaratish, moslashtirish, tatbiq etish va olingan natijalarni qayta tekshirish
kabi jarayonlarni ham qamrab oladi.
