Mustaqillik sharofati tufayli boshlang‘ich sinflarda ingliz tili fanining o‘ziga xos va mos mazmuni
va tizimini yaratishga erishildi. Boshlang‘ich sinf o‘quvchilariga endi chet tilini o‘z ona tilisi bilan
qiyoslab, taqqoslab, integrallashtirib o‘rgatish o‘qituvchidan katta mehnat va ma’suliyat talab qiladi.
Chunki bola bu yoshda o‘z ona tilisini endi o‘rganishni boshlagan bo‘ladi. O‘quvchilar chet tilida
o‘rganayotgan fonetik, leksik va grammatik belgilar va tushunchalar o‘z ona tilisida ham bo‘lsa hech
qanday qiyinchiliklarsiz o‘rganadi. Ammo ushbu tushunchalar doirasida nomutanosiblik bo‘lsa ya’ni
o‘xshash jihatlar bo‘lmasa bolalarda chet tilini o‘rganishda qiyinchilik yuzaga keladi. Ona tilidan
foydalanish ko‘plab o‘quvchilar uchun motivatsiya bo‘lib xizmat qiladi. Martin (2001) ta’kidlashicha “Ona
tili yangi tilning turli xil jarayonlarini o‘rganish uchun asosiy rolni o‘ynaydi”. Ushbu jarayonning ijobiy va
salbiy jihatlari bo‘lib, bir tomondan ona tilidan foydalanish o‘quvchilarga chet tilini o‘rganishga osonlik
tug‘dirsa, boshqa tarafdan olib qaraganda o‘quvchilarda dangasalik hissi paydo bo‘lib chet tilini
o‘rganishga intilishlari susayishi mumkin. Kavaliauskiene (2009) ning ta’kidlashicha esa tarjimani kasbiy
mahorat sifatida qo‘llash bilan ona tilini chet tilini o‘qitish jarayonida foydalanish tushunchalarini farqlash
lozim. Ushbu jarayonda inetgratsiya tushunchasiga e’tibor qaratish lozimligini ta’kidlab, integratsiya
xorijiy til va ona tili o‘rtasidagi kombinatsiyaning natijasidir deb ta‘rif bergan. Integratsiya tushunchasini
qo‘llash sifat va samaraga erishish uchun yo‘l ochib beribgina qolmay, jarayinning birmuncha tezlashishiga
ham sabab bo‘ladi.
Integratsiya lotincha “integration” tiklash degan ma‘noni anglatib, “integer” butun so‘zidan kelib
chiqqan. Ta’lim mazmunini integratsiyalash dunyo tendensiyalaridandir. Integrativ yondashish turli
darajadagi tizimli aloqalarning obyektiv yaxlitligini aks ettiradi. Integratsiya ilgari bo‘lgan qismlarni bir
butunga joylashtirishdir. U tizim elementlarining yaxlitlik va uyushqoqlik darajasini oshirishga olib keladi.
Dars jarayonida o‘quvchilarning bilim olishi, albatta, o‘qituvchining bilimi, ijodkorligini,
izlanuvchanligi, tayyorgarligiga bog‘liq. Bilimli bo‘lish bilan birga ijodkor bo‘lish zamon talabi chunki
texnika rivojlangan davrda yashamoqdamizki, o‘quvchilar juda ilgarilab ketmoqda. Shu o‘rinda o‘qituvchi
har bir darsini yangiliklar bilan turli xil metodlardan foydalangan holda olib borishi darsning
samaradorligiga kafil bo‘ladi. Izlanishlarimiz natijasida bir nechta metod va usullarni sizga ham tavsiya
etmoqchimiz. Boshlang‘ich sinf o'quvchilariga ingliz tilini ona tili bilan integrallashning samarali yo‘llari
va metodlari quyidagilar bo‘lishi mumkin:
