99
5.2.3. Ikkilash
Davlat standartlariga muvofiq terilar
qalinligiga qarab ikki va
undan ortiq qatlamlarga bo‘linadi. Agar teri ikkiga bo‘linsa, natijada
ikki qatlam paydo bo‘lib, yuza qatlami qalinligi o‘xshash bo‘ladi.
Ikkinchi mezdra qatlami qalinligi turlicha bo‘lishi mumkin. Ikki
qatlamga ajratish asosan poyabzalning ustki qismi uchun charm
ishlab chiqarishga mo‘ljallanadi. Terining
qalinligiga qarab ikkiga
bo‘lish lentali mashinalarda bajariladi. Juda tez harakat qiladigan
temir arradan iborat bo‘lib, vallar
orqali bu temir arraga
yarimmahsulot beriladi. Yarimmahsulot ko‘pincha kul suvi bilan
ishlov berilgandan keyin ikkiga bo‘linadi. Bu yarimmahsulot,
albatta bo‘kkan bo‘lishi kerak.
Bo‘kish jarayonini amalga oshirish uchun ba’zi
vaqtlarda
yarimmahsulot 10 g/l soda bilan ishlov beriladi. Ikkiga bo‘lish
natijasida terining baxtarma tomonida ancha-muncha qoldiqlar
paydo bo‘ladi. Bu qoldiqlarni mezdraga
aralashtirib yelim olishga
yuboriladi.
Hozirgi paytda ko‘pgina zavodlarda ikkiga ajratishni
oshlashdan
keyin bajaradilar, natijada oladigan mahsulot quyidagi
afzalliklarga ega bo‘ladi:
1. Terini baxtarma tomonidan chiqadigan mahsuloti 10–15
foizga oshadi.
2. Terining yuza tomoni tekis bo‘lib, qalinligi bir xil bo‘ladi.
3. Teridan ajratilgan ikkinchi qatlam qaytadan oshlanmaydi.
4. Agar
ikkiga
bo‘linsa,
ishlash
jarayonida
mehnat
unumdorligi ancha oshadi.
