46
bilan birga ijodiy variantlash uchun ham o’rin qoldirilgan. Yillik rejani
tuzishda kasaba qo’mita tashkiloti va vrach,
tibbiyot hamshirasi,
tarbiyachilarning qatnashishlari muhimdir. Shundagina u maktabgacha ta`lim
muassasasi xodimlari jamoa, ijodiy fikrining natijasi bo’ladi.
Yillik ish rejasi o’quv yilining boshlanishidan oldin avgust oyi
pedagogik kengashida muhokama qilinadi va tasdiqlanadi. yillik reja o’quv
yilining boshlanishiga tuman (shahar) pedagogik kabinetining maktabgacha
tarbiya uslubchisi tomonidan tasdiqlangan bo’lishi kerak.
Maktabgacha
ta`lim
muassasasining
yillik
ish
rejasi
bolalar
muassasasining barcha ishlarini qamrab oladi. Unda ma`muriy-xo’jalik vazifalar,
kadrlar bilan ishlash, bolalar bilan bo’ladigan ta`lim - tarbiyaviy ishga rahbarlik va
boshqalar rejalashtiriladi.
Yillik ish rejaning asosiy bo’limlaridan biri - bolalar bilan bo’ladigan ta`lim
- tarbiyaviy ishni rejalashtirishdir. Muassasaning oldingi
yildagi ishining holatini
tahlil qilish asosida muassasannng umuman va har bir guruxning alohida
tarbiyaviy ish vazifalari aniqlanadi. Maktabgacha ta`lim muassasasisidagi ta`lim -
tarbiyaviy ishning vazifalari bajarilishi shart bo’lgan «Maktabgacha ta`lim
muassasasisi ta`lim - tarbiya dasturi»da belgilab berilgan, shuning uchun yillik ish
rejaga faqat pedagoglar jamoasining alohida e`tiborini talab qiladigan umumiy
masalalar kiritiladi. Bunda tarbiyachilarning tajriba va malakalari, bolalar
tarkibining xususiyatlari xisobga olinadi. Masalan, oz miqdorda zaif bolalar bo’lsa,
sog’lomlashtirish ishi rejalashtiriladi; boshqa hollarda aqliy va ma`naviy tarbiya
masalalarini, bolalarning nutqinn rivojlantirish masalalarini hal qilish va shu
kabilarga alohida e`tibor beriladi.
Yillik ish rejasida ta`lim va tarbiyaning u yoki bu bo’limiga
doir mazkur
muassasada mavjud bo’lgan tajribani umumlashtirishga yo’llangan ish aks
ettirilishi mumkin.
Mo’ljallangan ta`lim - tarbiyaviy ish munosabati bilan yillik rejada
tarbiyachilar bilan metodik ishning mazmun va shakllari,
pedagoglar kengashi,
maslahatlar mavzusi nazarda to’tiladi, uskunalarni to’ldirish mo’ljallanadi, ota -
onalar bilan ish mazmuni aniqlanadi.
Yillik ish rejasini maktabgacha ta`lim muassasasisining mudirasi, metodist
va tibbiyot xodimlari bilan hamkorlikda ishlab chiqadi va u xodimlarning umumiy
majlisida tasdiqlanadi.
Maktabgacha ta`lim muassasasisining yillik ish
rejasida nazarda tutilgan
vazifalar tarbiyachilarning muayyan ish rejalarida aks ettiriladi.
Nazorat savollari:
1.
Maktabgacha ta`lim muassasasida ta`lim - tarbiyaviy ishlar qaysi didaktik
tamoyillar asosida rejalashtiriladi? Ularni izohlang.
2.
Istiqbol reja tuzishga qo’yiladigan talablar qaysilar va uni yoritib bering.
3.
Gurux tarbiyachisining xaftalik ish rejasi bo’limlarini so’zlab bering.
47
4.
Maktabgacha ta`lim muassasasining yillik ish rejasi va uni rejalashtirishga
qo’yiladigan asosiy talablarni tushintiring.
Testlar
