|
O’zbekiston respublikasi va o’rta maxsus ta’lim vazirligi giliston davlat universitetiBog'liq portal.guldu.uz-O`quv uslubiy majmuaNazorat savollari:
1. Donning asosiy sifat ko`rsatkichlariga nimalar kiradi?
2. Don sifati organoleptik usulda qanday aniqlanadi.
3. Donning rangi, hidi va ta`mi qanday bo`lishi kerak?
4. Nima uchun hid sog`lom donda ham aniqlanadi?
5. Butun va maydalangan donlarning sifat ko`rsatkichlarini organoleptik
baholashning qanday o`ziga xos xususiyatlari mavjud?
8-ISH. DONDAGI ARALASHMALAR MIQDORINI ANIQLASH
________________________________________________________________
Asosiy tushuncha: Don qabul qilish korxonalari, un yorma, omixta em
korxonalariga keltiriladigan don partiyasi asosiy don va turli miqdordagi turli
aralashmalardan iborat don massasini tashkil etadi. Oziq-ovqat, yem va texnik
maqsadlarda ishlatiladigan don partiyasidagi barcha qattiq komponentlardan iborat
don massasini ikki guruhga ko`z bilan ajratish mumkin:
1. Asosiy don bo`lib undan mahsulot olinadi.
2. Aralashmalar bo`lib, ulraning ayrim qismlaridan mahsulot olinmaydi,
ayrim qismining cheklangan miqdori asosiy don bilan birga qayta ishlanishi
mumkin.
Don partiyasidagi aralashmalarning foiz miqdori donning ifloslanishi
deyiladi. Don partiyasidagi aralashmalar xilma xil bo`lsada ishlab chiqariladigan
mahslot sifatiga, mahsulot chiqishiga salbiy ta`sir etadi.
Barcha aralashmalar don massasining o`z o`zidan qizishiga olib keladi, shu
bilan birga saqlash davomida sifatining buzilishiga sabab bo`ladi.
Keraksiz aralashma. Keraksiz aralashma tarkibga quyidagi aralashmalar
fraktsiyasi kiradi.
Mineral aralashma - tuproq, mayda tosh, qum va boshqalar. Bu aralashmalar
don massasiga yig`im terim davrida hamda donni ifloslangan transport vositalarida
tashish vaqtida tushishi mumkin. Mineral aralashma donni tozalash davomida
butunlay ajratib olinishi kerak. Chunki, mineral aralashmaning unda yoki yormada
bo`lishi non, un, bo`tqani iste`mol qilishda tishda g`irchilash hosil qiladi, bu esa
mahsulotni sifatsiz deb baholashga sabab bo`ladi.
|
| |
