O’zbekiston xalq ta’limi vazirligi m. Z. Murtazayev serv I s mehnat ta’limi pazandachilik asoslari

29 
BOB.II. ASBOB VA MOSLAMALAR BILAN ISHLOV BERISHDA 
MEHNAT XAVFSIZLIGI VA SANITARIYA GIGIYENA QOIDALARI. 
 
§2.1. OZIQ-OVQAT MAHSULOTLARIGA ASBOB VA 
MOSLAMALAR BILAN ISHLOV BERISHDA MEHNAT XAVFSIZLIGI VA 
SANITARIYA GIGIYENA QOIDALARI 
Oshxona tartibli jihozlanishi, unda sanitariya-gigiyena hamda xavfsizlik 
texnikasi qoidalariga amal qilinishi shart: xona jixozlarining saramjonligi va 
ozodaligini ta’minlash; toza idishlarni shkafda yoki maxsus javonlarda saqlash; 
chiqindilarni yig’ishtirib maxsus usti yopiq idishga solish va o’z vaqtida chiqarib 
tashlash kerak. Idishlarni issiq suvga bir oz choy sodasi va boshqa idish yuvish 
vositalari solib, tegishli moslamalar yordamida yuviladi. Bu vositalar idishlarni 
yaxshi tozalaydi. Og’zi tor idishlarni ichi maxsus cho’tkada yuviladi. Ruxlangan 
choynaklarning ichini esa choy sodasi bilan qaynatib yuviladi.
Mahsulotlar bilan ishlashda tozalikka jiddiy e’tibor berish kerak. Har bir 
o’quvchi qo’llarini tez-tez yuvib turish, o’z sochig’iga artishi, sochlarini rumol bilan 
tang’ib yurishi, tirnoqlarini doimo tozalab olingan bo’lishi, yenglarini shimarib 
olishi lozim. Oshxonada ishlaydigan shaxs tibbiyot ko’rigidan o’tib turishi shart. 
Har bir o’quvchi o’z ish o’rnini ozoda saqlashi zarur. Xamir taomlar tayyorlashda 
avval un elab olinadi. Sabzavotlarni chayib, mevalarni qaynoq suv bilan yaxshi 
yuvib iste’mol qilinadi. Mahsulotlarni maxsus salfetkalarga o’rab qo’yish kerak. 
Sabzitaxta va oshtaxtalarni qirib, sovun bilan yuvib turiladi. Qaynoq suvda 
chayiladi, quruq latta bilan artiladi. Stollarni ham sovun bilan yuvib, quruq latta 
bilan artiladi. Oshxonalar vaqti-vaqtida shamollatiladi.

Download 1.45 Mb.