“SAVOLLAR LOTOREYASI”
✓
Doskaga mavzuga doir 10-15 ta qoida yoziladi. Har bir qoida raqamlangan
bo‘ladi.
✓
O‘quvchilar konspekt qilib olishadi. Qoidalar o‘quvchilar miyasida saqlanib
qolishni boshlaydi.
Ular raqamlari bilan eslab qolishlari kerak.
✓
Keyin esa 1 o‘quvchi sinfdan tashqariga chiqadi. O‘qituvchi o‘quvchilar bilan
kelishgan holda qaysidir qoida raqamini doskaga yozib, ustidan qog‘oz yopishtirib,
bekitib qo‘yadi.
78
✓
Tashqaridagi o‘quvchi kiradi va qaysi qoida yashirilganini topishi kerak. U
shunchaki taxmin qilib aytadi. 3tagacha imkoniyat beriladi. Natijada xotirasini ishga
soladi. To‘g‘ri topsa ham, topolmasa ham 3ta qoidani yoddan aytgani foyda bo‘ladi.
Takrorlash orqali yanada yaxshiroq eslab qoladi.
Afzalliklari:
~O‘quvchi xotirasini charxlaydi.
~Mavzuni oson o‘zlashtirishga yordam beradi.
~O‘quvchilarning darsga qiziqishlarini orttiradi.
Ushbu metod kamina tomonidan o‘ylab, yozildi. Mualliflik huquqiga amal qiling.
“Kitob taqdimoti”
✓
Bolaning yoshiga qarab har bir oy uchun bittadan adabiyot tanlash kerak. Badiiy
adabiyot namunasi. Faningizga mos bo‘lsa yana ham yaxshi.
✓
O‘sha asar qismlarini o‘quvchilarga bo‘lib berasiz. Istasangiz, har bir o‘quvchiga
alohida-alohida kichik hajmli asar bering. Eng muhimi, 1oy ichida o‘qib bo‘lishi lozim.
✓
Haftada 1 yoki 2 kunni "Kitoblar taqdimoti" uchun ajratasiz.
✓
Har bir o‘quvchi o‘z asar taqdimotini o‘tkazib beradi.
✓
Bunda o‘quvchi asardagi voqeliklar, qahramonlar haqida gapiradi. Va asarning
tub mazmun-mohiyatini tushunarli hamda qiziqarli qilib so‘zlab berishi darkor.
✓
Qarabsizki, boshqa o‘quvchilar ham shu asarga qiziqib ketishadi. Bolalar endi
o‘rtoqlarining kitoblarini almashib o‘qishlari mumkin.
AFZALLIKLARI:
~ Taqdimot tayyorlashda bola nutq madaniyatini ham o‘z o‘rnida o‘zlashtira boradi.
O‘zini tutish, chiroyli gapirish, so‘zlardan o‘rinli foydalanish kabi qobiliyatlari ham
rivojlanadi. Eng asosiysi, omma oldida nutq so‘zlashga o‘rganadi.
~ Fikrlarini tartiblaydi. O‘z navbatida so‘zlarni ham xatosiz yozish ko‘nikmasi
shakklana boshlaydi, chunki kitob o‘qish ham og‘zaki, ham yozma nutqni
takomillashtiradi.
~ Ko‘pchilik o‘quvchilarda, hatto ayrim o‘qituvchilarda ham nutq so‘zlash bo‘yicha
turli noqulayliklar bo‘ladi. Kimdir uyaladi, yana kimdir so‘z boyligi kamligidan noliydi.
Bolalarda yoshligidan bu muammoni bartaraf etib borish lozim.
! Topshiriqni berishdan oldin taqdimot haqida bolalarga ma'lumot bering.
|
