86
“Yashirin konvert”
Oddiy, lekin qiziqarli o’yin. O’quvchilar xonaga kelishidan
oldin sinfning turli
joylariga savollar solingan 4 ta konvertni yashirib qo’ydim. O’quvchilarga
sinfdan
tashqariga chiqib turishlarini yoki ko’zlarini yumushlarini aytishingiz ham mumkin.
Keyin esa doskaga 4 ta konvert rangidagi 4 xil stikerlarni yopishtirib qo’ydim.
O’quvchilar ham to’rt guruhga bo’linadilar. Jamoalar to’rtta rangdan bittasini tanlashadi.
Ularga vaqt beriladi. Belgilangan daqiqalar ichida o’z guruhlariga taalluqli rangdagi
konvertni topib, ichidagi savollarga javob berishlari kerak. Shartni to’g’ri
va birinchi
bajargan guruh g’olib hisoblanadi.
“Leitner tizimi”
⚡️
Murakkab mavzularni oson o‘zlashtirish uchun Leitner tizimi. O‘quvchilar qiyin
deb bilgan mavzuni qiziqarli va osonroq o‘zlashtirishda bu metod yaxshi samara beradi.
O‘quvchilar bilan birgalikda qiyin mavzuga doir savolli kartochkalar tayyorlang.
5 ta qutiga 5 tadan jami 25 ta savol.
O‘quvchilarning o‘zlari ham savol tayyorlash jarayonida ishtirok etishlari yana-da
zavq beradi. Shu bilan birga, mavzuni xotiralarida yaxshi saqlab qolishga yordam beradi.
O‘quvchilar navbat-navbat qutilardan savollarni oladilar. Birinchi qutidagi beshala
savolga
ham javob berishsa, ikkinchi qutiga o‘tishlari mumkin.
Birinchi qutidagi savollarga to‘liq
javob berisholmasa, to‘g‘ri va to‘liq
javob
berguncha o‘sha joylarida qolishadi.
Agar ikkinchi,
uchinchi, to‘rtinchi,
beshinchi
qutidagi savollarga to‘g‘ri va to‘liq javob berisholmasa esa, bitta quti ortga qaytishadi.
Shartni to'liq-to‘g‘ri bajargan ishtirokchilar g‘olib bo‘ladilar.
87
Bu o‘yin qiyin mavzuni yaxshiroq o‘zlashtirishga yordam beradi.
Qolaversa,
o‘quvchida mas'uliyat hissini oshiradi. O‘zi uchun o‘zi harakat qilib, marraga yetishni
o‘rgatadi. Eng asosiysi, ajoyib atmosfera hosil qiladi.
😊
