25
qulay imkoniyat yaratadi. Ular oʻqituvchi tomonidan berilgan savollarga qisqa
muddatlarda toʻgʻri va aniq javob qaytara olishlari zarur.
Savollarning
murakkablik darajasiga koʻra har bir savolga qaytarilgan toʻgʻri javob uchun
ballar belgilanadi. Yakuniy ballarning oʻrtacha arifmetik qiymatini topish asosida
tezligi aniqlanadi.
Ballarning belgilanishi oʻquvchilarning shaxsiy imkoniyatlari toʻgʻrisida
aniq tasavvurga ega boʻlishlarini ta’minlaydi.
Metod oʻquvchlar bilan yakka tartibda, guruhli va ommaviy ishlashda birdek
qoʻllanilishi mumkin.
“3/3” (“4/4”, “5/5”, …) metodi
Mazkur metod ham yuqorida qayd etilgan
metodlarning muqobili
hisoblanib, oʻquvchilardan oʻrganilayotgan mavzu (yoki boʻlim, bob) yuzasidan
tahliliy mulohaza yuritish, shuningdek, eng muhim tayanch tushunchalarni
ifodalay olishni talab etadi. Unga koʻra, oʻqituvchi mavzu (yoki boʻlim, bob)
yuzasidan 3 ta (4 ta, 5 ta va …) toʻgʻri va unga teng nisbatda (3 ta, 4 ta, 5 ta va
…) boʻlgan va nooʻrin qoʻllanilgan tushunchalar (soʻzlar,
belgilar, tasvirlar va
…)dan iborat tizimni shakllantiradi. Oʻquvchilar ushbu tizimdan mavzu (yoki
boʻlim, bob)ga taalluqli boʻlmagan tushunchalarni ajratadilar va harakatlarining
mohiyatini izohlaydilar.
Metodni qoʻllashda quyidagi harakatlar tashkil etiladi:
— oʻqituvchi oʻzaro teng nisbatda mavzu (yoki boʻlim, bob)ga oid va oid
boʻlmagan asosiy tushunchalar
tizimi yaratadi;
— oʻquvchilar mavzu (yoki boʻlim, bob)ga oid va oid boʻlmagan asosiy
tushunchalarni aniqlaydilar va daxldor boʻlmagan asosiy tushunchalarni tizimdan
chiqaradilar;
— oʻquvchilar oʻz harakatlarining mohiyatini izohlaydilar.
Metoddan
individual, guruhli va ommaviy shaklda oʻquvchilar tomonidan
mavzuning puxta oʻzlashtirilishini ta’minlash hamda ularning bilimlarini aniqlash
maqsadida
foydalanish mumkin
