|
Termiz davlat universiteti toshaliyeva s. T., A. M. Abdurahmonov iqtisodiyotga oid
|
| bet | 371/485 | | Sana | 10.07.2024 | | Hajmi | 0,64 Mb. | | #267286 |
Bog'liq TOSHALIYEVA S.T. IZOXLI LUG\'AT (2)ISHLAB CHIQARUVCHI KUCHLAR - 1) Ishlab chiqarishning shaxsiy (ish kuchi) va moddiy (ishlab chiqarish vositasi) omillarining yig‘indisi va o‘zaro ta’siri; 2) I.ch.k. - insonning tabiatga bo‘lgan munosabatini, tabiat kuchlari va hodisalarini tobora ko‘proq jilovlab olishni bildiradi; 3) I.ch.k. - ishchi kuchi yoki boshqacha aytganda, ma’lum malakaga, tajribaga ega bo‘lgan kishilar hamda ishlab chiqarish vositalaridan tashkil topgan; 4) I.ch.k. -ishlab chiqarishning shaxsi va moddiy omillar, ya’ni ishchi kuchi bilan ishlab chiqarish vositalari birligi; 5) I.ch.k. - ishlab chiqarish moddiy (ishlab chiqarish vositalari) omillari bilan shaxsiy omillari yaxlitligi.
ISHLAB CHIQARISH BO‘LINMALARI - birinchi (ishlab chiqarish vositalari ishlab chiqaruvchi) va ikkinchi (iste’mol buyumlari ishlab chiqaruvchi) bo‘linmalardan iborat bo‘ladi. Birinchi bo‘linmada ishlab chiqarish vositalari, ikkinchi bo‘linmada esa iste’mol buyumlari ishlab chiqariladi.
ISHLAB CHIQARISH FUNKSIYASI - ishlab chiqarish omillarining iqtisodiy iste’mol qilinishi.
ISHLAB CHIQARISH KARTELI - bir- biriga bog‘liq bo‘lmagan bir nechta korxonalar o‘rtasida raqobat tavakkalchiligini cheklash va tugatish maqsadida tuzilgan bitim.
ISHLAB CHIQARISH KUCHLAR - jamiyat ishlab chiqarishining moddiy va shaxsiy omillari yaxlitligi.
ISHLAB CHIQARISHNING MAKROIQTISODIY KO‘RSATKICHLARI - yalpi milliy mahsulot, yalpi ichki mahsulot, sof milliy mahsulot, milliy daromad kabilar.
ISHLAB CHIQARISHNI MODERNIZATSIYALASH – ishlab chiqarishni zamonaviy texnologiyalar bilan jihozlash, uni ma’naviy jihatdan yangilash, tarkibiy jihatdan texnik va texnologik qayta tuzish kabi chora- tadbirlarni o‘z ichiga oluvchi jarayon. Ishlab chiqarishni modernizatsiyalashning asosiy yo‘nalish va vositalari bo‘lib quyidagilar hisoblanadi: korxonalardan eskirgan asbob- uskunalarni chiqarib; zamonaviy texnika va texnologiyalar bilan almashtirish; mahalliy resurslar asosida ishlab chiqarishga innovatsion texnologiyalarni joriy etish; ishlab chiqarilayotgan mahsulot assortimentini kengaytirish; ishlab chiqarish xarajatlarini pasaytirish va resurslarni tejash; sifatni boshqarish va sertifikatlash tizimini joriy etish; chiqitsiz va ekologik toza texnologiyalarni joriy etish va boshqalar.
|
| |
