|
Termiz davlat universiteti toshaliyeva s. T., A. M. Abdurahmonov iqtisodiyotga oid
|
| bet | 68/485 | | Sana | 10.07.2024 | | Hajmi | 0,64 Mb. | | #267286 |
Bog'liq TOSHALIYEVA S.T. IZOXLI LUG\'AT (2)AUKSION BAHO — auksionlarda tovarlarni realizatsiya qilishda auksionist tomonidan e’lon qilingan dastlabki baholarning ko‘payish yoki kamayish tomon o‘zgarishi jarayonida tashkil topgan baho. A.b. yetarlicha e’tiborli va ishonchli, uni tashkil etish shart-sharoiti tahlil qilish imkonini beradi.
AUKSION SAVDO — bozor savdosi turi bo‘lib, bunda sotuvchi maksimal foyda olishni ko‘zlab sotishda ishtirok etuvchi bir qancha sotib oluvchilar bilan bevosita raqobatdan foydalanadi. A.s. sotiluvchi tovarning dastlabki bahosini belgilaydi, bu baho esa auksion davomida auksionda ishtirok etuvchi sotib oluvchilarning to‘lov qobiliyatidan kelib chiqqan holda o‘zining chegara darajasiga borganga qadar ko‘payib boradi.
AUKSION QOIDALAR — maxsus qoidalar bo‘lib, shularga mos ravishda auksionga tovarlar yetkazib berish, auksionda tovarlarni sotish, kontraktlarni to‘ldirish va sotib olingan tovarlarni olish amalga oshiriladi. Odatda A.q. auksion savdo ishtirokchilariga beriladigan maxsus axborot materiallarida to‘liq, ifoda etiladi. Asosiy A.q. har xil auksionerlar uchun eng tipik hisoblanadi, ya’ni vaqtni belgilash va tovarlarni qabul qilish tartibi, ularni ko‘rib chiqish muddati, savdoni o‘tkazish vaqti va tartibi, kontraktlarni to‘ldirish tartibi va tovarlarni olish kabi qoidalar.
AUKSIONER (nem.) — auksion ishtirokchisi.
AUKSIONIST (nem.) — auksionni o‘tkazuvchi shaxs. Qoidaga ko‘ra A. auksionni o‘tkazish uchun maxsus tayyorlangan shaxslar hisoblanadi. Ular tegishli auktsion savdolari qoidalarini bilgan, tashkil etish va o‘tkazish texnikasini egallagan bo‘lishlari, auksion orqali o‘tadigan tovarlar sifati va xususiyatlarini yaxshi tekshira oladigan bo‘lishlari, tovar bozorlarida baholar harakati tendensiyalari holatini va auksionlarda ishtirok etuvchi potentsial sotib oluvchilar — auksionerlar psixologiyasini hisobga olishlari kerak.
AUTENTICHNIY (grek.) — qandaydir hujjatning birinchi manbasidan kelib chiquvchi, mazmuni, matni bo‘yicha asliga mos keluvchi va u bilan bir xil kuchga ega bo‘luvchi haqiqiy matn.
|
| |
