O‘QUV-METODIK QO‘LLANMA
41
2. Mustaqillik - oliy ne’mat ekanligi tushuntiriladi. O‘quvchilar diqqati darslikdagi rasmga
qaratiladi. Darslikda Mustaqillik kuni tantanalari, bolalarning shodiyona qiyofasi
tasvirlangan bo‘lib, rasmdagi bolalarning yuz-ko‘zidan baxt va shodlik tantanasi barq urib
turibdi. O‘qituvchi rasm asosidagi suhbatni quyidagi savollar yordamida tashkil qiladi:
Rasmda kimlar tasvirlangan?
Bolalar qiyofasida qanday holat ifodalangan?
Bayram tantanasida siz ham ishtirok etdingizmi?
Bayramda nimalarni ko‘rdingiz?
Suhbat o‘quvchilarning javoblarini umumlashtirish asosida nihoyalanadi: “Kuni kecha
Mustaqillik bayramini nishonladik. Hammamiz bayramni shodiyona kayfiyatda kutib
oldik. Mustaqillik bizning ota-bobolarimiz uchun buyuk orzu edi. Biz esa mana shu
go‘zal orzuga erishdik. Mana, ozod Vatanimizda baxtiyor bolalik gashtini surmoqdamiz”.
O‘qituvchi o‘quvchilar fikrini xulosalaydi: “Har biringiz mustaqillikni qadrlang, yaxshi
o‘qing”.
3. Mustaqillik haqida she’r, hikoya, ertak, rivoyat aytib beriladi, o‘quvchilar bilan suhbat
o‘tkaziladi.
4. “Vatanjonim – Vatanim” qo‘shig‘i videolavhasi namoyish qilinadi
VATANJONIM - VATANIM
Vatanjonim – Vatanim,
Ko‘zim quvnab ko‘rganim.
Istiqloldan kulganim,
O‘zbekiston – gulshanim!
Bahra olib bag‘ringdan,
Ulg‘ayaman mehringdan,
Vatanjonim – Vatanim,
O‘zbekiston – gulshanim!
Sen o‘xshaysan onamga,
Maqtay butun olamga,
Vatanjonim – Vatanim,
O‘zbekiston – gulshanim!
(Po‘lat Mo‘min) @edurtm_uz
O‘QUV-METODIK QO‘LLANMA
42
Mustahkamlash va baholash:
O‘tilgan dars quyidagi savollar asosida mustahkamlanadi:
- rasmlarga qarab tuzgan hikoyamiz, aytgan gaplarimiz nima deyiladi?
- og‘zaki nutq deb nimaga aytiladi?
O‘quvchilarning darsdagi ishtirokiga baho beriladi.
Darsga yakun yasaladi.
2-dars
OG‘ZAKI VA YOZMA NUTQ. GAP HAQIDA AMALIY TUSHUNCHA.
MAKTAB BIZNI CHORLADI
