27
Majmuaviylik.
Rejalashtirishning majmuaviyligi-bu loyihaning maqsadi va
natijalariga erishishga yo„naltirilgan ilmiy, loyihaviy, tashkiliy, ishlab chiqarish va
boshqa tadbirlar hamda ishlarning to„la qamrab olinishidir.
Resurslar bo„yicha balanslanganlik.
Resurslar bo„yicha balanslan-ganlik–
bu zaruriy resurslar bilan ta‟minlangan vazifa va ishlardan iborat emasligini
bildiradi.
Tizimlilik.
Rejalashtirishning tizimliligi tizimli yondashuvni qo„llashni
hamda loyihaga uni atrofidagi omillar ta‟sirini
hisobga olishni, shuningdek,
loyihaning bir butunlikdagi, ya‟ni
uning ichidagi ham, undan tashqaridagi ham
o„zaro bog„liqlikni aniqlash va hisobga olishni ko„zda tutadi.
Egiluvchanlik.
Rejalashtirishning egiluvchanligi mumkin bo„ladigan
o„zgarishlarni hisobga olish va prognozlash tizimining imkoniyatlarini,
tashqi
omillarning ta‟sirini hamda ularning oqibatlarini ko„zda tutadi. Buning uchun
foydalanuvchiga hisobga olinadigan texnologik, tashkiliy
va iqtisodiy shart-
sharoitlar to„plamining engil o„zgarib turish hamda ko„rsatkichlar,
chegaralanishlar, alohida sharoitlar bilan o„zgarib turish, shuningdek, vazifaning
turli ko„rinishlarda qo„yilishida shakllanadigan reja variantlarini
tahlil qilish va
taqqoslash uchun qulay ko„rinishda olish imkoniyati berilishi zarur.
Ko„pfunktsionallik.
Rejalashtirishning ko„pfunktsionalligi deganda loyihani
boshqarishning barcha o„rnatilgan funktsiyalari bo„yicha majburiy rejalashtirish
tushuniladi.
Optimallik.
Rejalashtirishning optimalligi
asosan shu joyda aynan mos
keluvchi (qabul qilingan cheklanishlar va talablar nuqtai nazaridan yo„l
qo„yiladigan) rejani shakllantiribgina qolmasdan, balki tanlangan ko„rsatkichlar
bo„yicha eng oqilona rejalar tizimini shakllantirish imkoniyatini ko„zda tutadi.
Bunga odatda iqtisodiy - matematik, bu mumkin bo„lmagan taqdirda
esa evristik
usullardan foydalangan holda erishiladi.
