152
2. Go`shtning konsistensiyasini( qattiqligini) aniqlash.
Yangi kesilgan joy barmoq bilan ezib ko`riladi va chuqurcha hosil qilinadi,
chuqurchaning o`z holatini tekislanishini kuzatiladi. Yangi, sifatli go`shtda hosil
qilingan chuqurcha tezda tekis holatiga qaytadi, chuqurcha sekin-asta (1 minut
davomida) tekislansa, u holda bu go`sht mahsuloti eskirganligidan dalolat beradi.
3. Hidini aniqlash.
Tanlab olingan go`sht namunasining yuza qismidagi hidini organoleptik yo`l
bilan aniqlanadi. Shundan so`ng pichoq bilan uning yuza qismini chuqurroq
kesiladi va ichidagi qatlamlar orasidagi hid aniqlanadi. Kesayotgan pichoq toza
yuvilgan bo`lishi kerak, shu bilan birga mushak to`qimalarining suyak qismiga
yaqin joylaridagi hidga e`tibor beriladi. Ajratib olingan go`sht namunasining
umumiy hidining xarakterlanishini aniqlash uchun uni suvda qaynatiladi. Bunday
aniqlashni sho`rva tayyorlash bilan birga CuSO
4
reaksiyasini o`tkazishdan iborat.
Idishning qopqoq qismi ochilgan paytda, undan chiqadigan par va hid aniqlanadi.
4. Yog`lar holatini aniqlash.
Yog`ning rangini va uning hidini aniqlanadi. Yog`ning konsistensiyasini
barmoq bilan ezib ko`rish orqali aniqlanadi.
5. Suyak ichidagi ilik holatini aniqlash.
Boldir suyaklar ichidagi ilik holatini aniqlashda quyidagilarga e`tibor beriladi.
Yangi so`yilgan go`shtda ilik butun boldir suyaklari ichini to`ldirib turadi. So`ngra
ilik suyakdan ajratib olinib, uning rangi, qattiqligi, hidi aniqlanadi.
